АНУ-ын хүмүүнлэгийн тусламжийг Венесуэл рүү оруулахгүй

АНУ Венесуэлийн түр Ерөнхийлөгч гэж өөрийгөө зарласан Хуан Гуайдогийн хүсэлтийг хүлээж авч, хүмүүнлэгийн тусламж үзүүлжээ. АНУ-ын цэргийн онгоцууд Венесуэлийн хилийн ойролцоох Колумбын Кукута хотод хүмүүнлэгийн тусламж хүргэсэн байна. Тэгвэл Венесуэлийн Ерөнхийлөгч Николас Мадуро АНУ-ын тусламжийг улс руугаа оруулахгүй гэж мэдэгдсэн билээ. Тэрбээр “Энэ бол Венесуэлд мөргөлдөөн үүсгэх гэсэн АНУ-ын төлөвлөгөөний нэг хэсэг” гэсэн байна.

Харин сөрөг хүчний удирдагч, өөрийгөө Ерөнхийлөгч гэж зарлаад байгаа Хуан Гуайдогийн мэдэгдсэнээр энэ сарын 23-нд Венесуэлийн 600 мянга гаруй сайн дурынхан хил давж, дээрх хүмүүнлэгийн тусламжийг авчрах аж.