Сайн дурын номын санч эмээд зөөврийн компьютер бэлэглэлээ
Баянзүрх дүүргийн 10 дугаар хорооны оршин суугч, 60 гаруй настай, ахмад төмөр замчин С.Хишигт гуай 2018 оноос эхлэн гэрээрээ номын сан ажиллуулж, ойр орчмынхоо сурагч багачуудад олон төрлийн сонирхолтой номоор үйлчлэх болжээ. Хүүхдийн ирээдүйн төлөө хийж буй түүний сайн үйлсийг дэмжиж Боловсрол, соёл, шинжлэх ухаан, спортын сайд Ёндонпэрэнлэйн Баатарбилэг номын санч эмээд зөөврийн компьютер бэлэглэлээ.
“Сүүлийн үеийн хүүхдүүдийг ном уншихаа больсон гэж ярьдаг. Үнэндээ аав, ээжүүд нь анхаарч, ном авч өгч, хамтдаа уншиж, урамшуулж чадахгүй байна. Хүүхдэдээ гар утас авч өгөлгүй яах вэ, гэхдээ заавал номтой нөхөрлүүлж, энэ их цахим давалгаанаас хамгаалах хэрэгтэй” гэж сайн дурын номын санч хэлж байна.
Өнөөдрийг хүртэл номын бүртгэлээ дэвтэр дээр хөтөлж ирсэн С.Хишигт гуай комьютертэй болсондоо баяртай байгаагаа илэрхийлж, маргаашаас компьютерийн сургалтад хамрагдаж, номын бүртгэлийн программ дээр ажиллаж сурна гэсэн юм.
Холбоотой мэдээ
Сэтгэгдэл ( 1 )
Энэ сайд дажгүй ажиллаад байна шүү. Өмнө нь огт яригдаагүй хэд хэдэн шинэчлэл санаачиллаа. Сайд болохоос нь өмнө огт тоодоггүй байснаа нуугаад яахав. Эрчээ бүү алдаараЙ, Сайдаа. Би пялдагадаагүй, энэ салбарт огт хамаагүй атлаа АН-ын ахмад гишүүн.