"Christian Louboutin"-ыг сурталчилсан М.Цэрэндолгор "Vogue" сэтгүүлийн хуудсыг чимлээ

"Тютю" уран сайхны кинонд тоглож, олны хараанд өртсөн жүжигчин М.Цэрэндолгор Италийн "Vogue" сэтгүүлийн хуудсыг чимлээ. Жүжигчин гэхээсээ илүүтэй фото модель чиглэлээр ажиллах болсон тэрбээр өнгөрсөн жил тансаг зэрэглэлийн гутал үйлдвэрлэгч "Christian Louboutin"-ы нүүр царайгаар тодорч байв. Харин энэ удаа Цэдо загварын алдартай сэтгүүлүүдийн нүүр хуудаснаа залрах болов. Сэтгүүлүүд гэсний учир нь "Vogue" сэтгүүлийн зураг авалтад оролцохоосоо өмнө тэрбээр "Elite" болон Израйлийн хамгийн олон уншигчтай @thejerusalem_post style сэтгүүлийн хуудаснаа уригдсан юм. 

Алдартай брэндүүдийг сурталчлан эрхэмсэг бөгөөд эрч хүчтэй байдлын илэрхийлэл болсоор байгаа түүнтэй Монголын алдартай брэндүүд ч хамтран ажилладаг. 

Москвагийн театр, урлагийн их сургуулийг амжилттай дүүргэж, мэдлэг чадвар, авьяас билгээрээ загварынхныг ийнхүү өнгөлж яваа үзэсгэлэнт бүсгүйг lifestyle онцолж байна. Түүний хувийн амьдралаас сонирхуулахад, жүжигчин бүсгүй хөгжмийн зохиолч Л.Балхжавын бэрээр тодроод байгаа билээ.