Үндэсний их баяр наадамд зориулсан сээр хугалах тэмцээн болов

Тулгар төр байгуулагдсаны 2228, Их Монгол Улс байгуулагдсаны 813, Ардын хувьсгалын 98 жилийн Үндэсний их баяр наадамд зориулан Хөвсгөл аймагт “Сээр шалгая” тэмцээнийг амжилттай зохион байгуулжээ. Ханх сумд болсон энэхүү тэмцээнд нийт 25 хүн оролцсон байна. Монгол эрчүүдийн эр бяр, эв дүйг шалгадаг энэхүү тэмцээнд халх, буриад, баяд, дөрвөд гээд Монголын бүхий л ястан ирж оролцдог билээ.

Үндэсний их баяр наадамд зориулсан сээр хугалах тэмцээнд 25 хүн оролцсоноос

• Тэргүүн байрт О.Баярхүү
• Дэд байрт О.Шинэбаяр
• Гуравдугаар байрыг Л.Энхболд
• Тусгай байр М.Тунсагбат
• Тусгай байр Б.Далай баяр
• Тусгай байр Э.Ганбат нар оржээ.

Тэмцээний үеэр үхэр, тэмээний нийлсэн нийт 71 сээр хугарсан байна.