Алба хаагчддад цол, шагнал гардууллаа

Монгол Улсын Цагдаагийн байгууллагын 98, Дотоодын цэргийн 97, Эрүүгийн цагдаагийн албаны 85 жилийн түүхт ойг тохиолдуулан эрхэлсэн ажилдаа идэвх зүтгэл, үр бүтээл гарган ажилласан алба хаагчдыг өнөөдөр /2019.07.18/ шагналаа. 

Цагдаагийн ерөнхий газрын дарга, Дотоодын цэргийн командлагч цагдаагийн хурандаа С.Баатаржав мэндчилгээ дэвшүүлж, 18 алба хаагчийг “Цагдаагийн гавьяа” тэмдгээр, 47 алба хаагчийг “Хүндэт жуух”-аар, хоёр алба хаагчийг “Дотоодын цэргийн алдар” тэмдгээр шагнаж, ажил хөдөлмөрөөрөө манлайлж ажилласан 11 алба хаагчдад цагдаагийн цол олгосон юм.