САНТ МАРАЛ: Улстөрчдийн чансааг Ерөнхий сайд У.ХҮРЭЛСҮХ тэргүүлжээ

"Сант Марал сан"-гаас ээлжит судалгаагаа явуулж, нэгтгэжээ. Тэд Монгол Улсад авлига хэвийн үзэгдэл болсон гэдгийг судалгаандаа онцолсон байна. Түүнчлэн улс төрийн янз бүрийн хямралыг бий болгосон институцийн бүтэц, зохион байгуулалттай холбоотой хүндрэл бэрхшээл болон авлигатай тэмцэх байгууллагуудын үйл ажиллагааны үнэлгээ буурч байгааг ажиглажээ.

Олон нийтийн анхаарал, хүлээлт нь байгууллагуудаас хувь хүнд шилжиж байгааг судалгаанд тодотгожээ. 
 

2019 оны SPEAK судалгаанд оролцогчдын тодорхойлсон авлигатай тэмцэх чиглэлээр амжилтад хүрсэн шилдэг таван улстөрчийг СМС-гийн Политбарометрийн 2019 оны чансаанд багтсан шилдэг таван улстөрчтэй харьцуулжээ.

Энэхүү хүснэгтийн бүтэц нь улстөрчдийн авлигатай тэмцэх байдал болон тэдгээрийн улс төрийн зэрэглэл хоорондын шууд хамаарлыг харуулдаг ба улс төрийн санал асуулгад дараах асуултыг оруулсан байна. Тодруулбал, "Улс орны нэр хүндтэй хүмүүсийн дунд та улс төрд чухал үүрэг гүйцэтгэх ёстой хүмүүсийг хэн гэж нэрлэх вэ" гэсэн асуулгаар санал авчээ. 

Энэхүү шууд хамаарал нь авлигатай тэмцэх ажлаараа танигдсан улстөрчид ихэвчлэн Монголын ард түмний дунд мөн алдартай байх магадлалтайг харуулж байна гэдгийг "Сант Марал сан"-гийнхан судалгаандаа дурьдав..

Монгол Улсын өнөөгийн нөхцөл байдалд Засгийн газрын гурван сайд, түүний дотор Ерөнхий Сайд У.Хүрэлсүх авлигын эсрэг удирдагчдын чансааг тэргүүлж байна. Түүний хувьд өнгөрсөн хавар улс төрийн хамгийн өндөр үнэлгээг авч байсан бөгөөд авлигатай тэмцэж буй улстөрчдийн чансааны хоёрдугаарт бичигдэж байв. Харин Засгийн газрын Хэрэг эрхлэх газрын Дарга Л.Оюун-Эрдэнэ авлигатай тэмцэх чиглэлээр чансаагаараа тэргүүлж байна. Гурвдугаар байрт УИХ-ын гишүүн Ж.Батзандан бичигджээ. Түүнчлэн Хууль зүй, дотоод хэргийн сайд Ц.Нямдорж, УИХ-ын гишүүн С.Жавхлан нар авлигатай тэмцэж буй таван улстөрчийн нэгээр нэрлэгджээ.