СЭРЭМЖЛҮҮЛЭГ: Үргээлэг хийхдээ сум алдаж, хүний амь нас хохироожээ

Б.Гантуяа | Zindaa.mn
2019 оны 12 сарын 16



Увс аймгийн нутагт ан хийж явсан иргэд сум алдаж, нэгнийхээ аминд хүрсэн харамсалтай хэрэг өнгөрөгч амралтын өдөр гарчээ. Тодруулбал, энэ сарын 14-ний өдөр Увс аймгийн нэгдсэн эмнэлэгт буудуулж, нас барсан хүнийг хүргэж иржээ.

Шалгалтын явцад амь хохирогч нь Улаангом сумын харьяат, 56 настай С болох нь тогтоогдсон бөгөөд талийгаач баруун даландаа буудуулсны улмаас амь насаа алдсан байна. Хэрэг гарах үед талийгаач нь мөн сумын харьяат 39 настай Б-тай хамт ан хийж явсан ба үргээлэг хийж байхдаа сум алдаж, санамсар болгоомжгүйгээр хүний аминд хүрсэн гэх мэдээлэл байна.

Хэргийг Увс аймаг дахь цагдаагийн газарт үргэлжлүүлэн шалгаж байна.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top