МҮОХ-ны Ерөнхийлөгчид нэр дэвшигчийг бүртгэх өдрийг зарлалаа

М.Тэнүүн | Zindaa.mn
2020 оны 02 сарын 06


Монголын үндэсний олимпийн хороо /МҮОХ/-ны хараат бус сонгуулийн комиссоос МҮОХ-ны гишүүдэд хандан "Нэр дэвших эсэх асуудлаар санал авах тухай" мэдэгдэл гаргажээ.  

МҮОХ-ны хараат бус сонгуулийн комиссын мэдэгдэл

МҮОХ-ны Гишүүдийн хурлын 2019 оны арваннэгдүгээр сарын 28-ны өдрийн 04 дүгээр тогтоол, МҮОХ-ны дүрмийн 14-р зүйлийн 14.4.2А, 14.4.2Б хэсгүүдийг тус тус үндэслэн МҮОХ-ны албан ёсны бүртгэл бүхий гишүүдэд хандан энэхүү мэдэгдлийг гаргаж байна.

2020 оны гуравдугаар сарын 06-ны өдөр болох МҮОХ-ны Гишүүдийн Ээлжит бус хурлаар МҮОХ-ны Ерөнхийлөгч, Дэд ерөнхийлөгч нарыг сонгох сонгууль явагдахаар болсон. Үүнтэй холбоотойгоор МҮОХ-ны Ерөнхийлөгч, Дэд ерөнхийлөгчид нэр дэвших эрх МҮОХ-ны албан ёсны бүртгэлтэй бүх гишүүдэд нээлттэй юм.

Иймд МҮОХ-ны Ерөнхийлөгч, Дэд ерөнхийлөгчид нэр дэвших хүсэлтэй гишүүн нь нэр дэвшигчийн анкетыг бөглөж, өөрийн товч танилцуулгын хамт
 

  • 2020 оны хоёрдугаар сарын 19-ний 14:00-16:00
  • 2020 оны хоёрдугаар сарын 20-ны 14:00-16:00
  • 2020 оны хоёрдугаар сарын 21-ний 16:00-18:00 цагт МҮОХ-ны байрны 206 тоот өрөөнд, Сонгуулийн комисс (Холбоо барих утас: 99952450)-т эх хувиар өгнө үү.


Жич: Хавсралтад МҮОХ-ны Хараат бус Сонгуулийн комиссын 2020 оны хоёрдугаар сарын 05-ны өдрийн албан бичиг болон Ерөнхийлөгч, Дэд ерөнхийлөгчийн сонгуульд нэр дэвшигчийн анкетыг хавсаргав.

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top