Хууль зөрчсөн "М-Си-Эс Кока Кола" ХХК-ийг 1.2 тэрбум төгрөгөөр торгожээ

Автор | Zindaa.mn
2020 оны 03 сарын 17

Шударга өрсөлдөөн хэрэглэгчийн төлөө газраас /ШӨХТГ/ цаг үеийн асуудлаар өнөөдөр /2020.03.17/ мэдээлэл хийж байна. 

ШӨХТГ-аас 2018 оны наймдугаар сард “Моннидер” ХХК-иас ирүүлсэн гомдлын дагуу “М-Си-Эс Кока Кола” ХХК, “Номин тав трейд” ХХК, “Скай хайпермаркет” ХХК-иудын үйл ажиллагаанд шалгалт хийж, хоёр зөрчил илрүүлжээ. 

Нэгдүгээрт, “М-Си-Эс Кока Кола” ХХК нь “Номин тав трейд” ХХК, “Скай хайпермаркет” ХХК, “Моннидер” ХХК-тай тус тусад нь худалдааны хамтын ажиллагааны гэрээ байгуулсан байжээ. Уг гэрээнд “М-Си-Эс Кока Кола” ХХК нь өөрийн үйлдвэрлэдэг болон импортоор оруулж ирдэг ундаа, ус, жүүс зэрэг шингэн хүнсний бүтээгдэхүүний жижиглэнгийн үнийн саналыг дээрх сүлжээ дэлгүүрүүдийн үйл ажиллагаа эрхэлж байгаа ААН эрхлэгчдэд хүргүүлж, жижиглэнгийн үнийг дагаж мөрдөхөөр тохиролцсон байна.

Хоёрдугаарт, “Номин тав трейд” ХХК, “Скай хайпермаркет” ХХК-тай сүлжээ дэлгүүрийн үйл ажиллагаа эрхэлж байгаа гуравдагч этгээдэд “М-Си-Эс Кока Кола” ХХК-ийн ус, ундаа, жүүсийг гэрээнд заасан үнээс хямд нийлүүлэхгүй байхаар харилцан тохиролцжээ. Өөрөөр хэлбэл, нэр дурдсан компаниудаас бусад аж ахуйн нэгж байгууллагуудад “М-Си-Эс Кока Кола” ХХК-ийн ус, ундаа, жүүсийг хямд борлуулахгүй байх үүднээс ийнхүү гэрээ хийсэн байна.

Гэрээ байгуулснаараа дээрх компаниуд Өрсөлдөөний тухай хуулийн 11.1.1, Зөрчлийн тухай хуулийн тусгай ангийн 10.7 дугаар зүйлийн 1.1-т тус тус “Бараа бүтээгдэхүүний үнийг хэлцэн тогтоох” хэмээн заасныг зөрчжээ.

Иймд ШӨХТГ-аас 2018 оны наймдугаар сард "М-Си-Эс Кока Кола" ХХК-д 1.2 тэрбум төгрөгийн, "Номин тав трейд" ХХК-д 67.8 сая, Скай хайпермаркет" ХХК-д 11.6 сая, "Моннидер" ХХК 11.9 сая төгрөгийн торгууль оногдуулсан байна. 

Энэ талаар ШӨХТГ-ын дарга Б.Лхагва "М-Си-Эс Кока Кола” ХХК нь хууль бус үйлдлээ хүлээн зөвшөөрөлгүй явсаар 2020 оны хоёрдугаар сарын 19-ний өдөр Улсын дээд шүүхийн хяналтын шатны захиргааны хэргийн шүүх хуралдаанаар ШӨХТГ-ын улсын байцаагчдын оногдуулсан 1.2 тэрбум төгрөгийн торгуулийг хэвээр үлдээх шийдвэр гаргасан. Цаашид бусад аж ахуйн нэгжүүд мөн дээрх алдааг гаргаж, хууль зөрчихгүй байхыг анхааруулж байна" гэв. 

Сэтгэгдэл ( 7 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин (66.181.178.168)  2020 оны 03 сарын 17

Ундаа устай хөөцөлдөөд явахын оронд хүн болгоны хэрэглэдэг махны хойноос хөөцөлдөөчэээээээ.

0  |  0
qq (103.212.119.202)  2020 оны 03 сарын 17

hvvhdvvd,ard olniig buun horoor ugjij bj bas vnee nemeed bgaamdaa,,bgd horduulagchid..

0  |  0
Нэр (66.181.180.173)  2020 оны 03 сарын 17

Юу ч мэдэхгүй улс ийм юм хийх гэж. Борлуулалтын нэгдсэн үнэ гэж байдаг. Тэр нь эцсийн эцэст хэрэглэгчдийг хамгаалах, жижиглэн худалдаа эрхлэгчдийг хэт ашиг хөөхөөс сэргийлэх зорилготой. Сүлжээ дэлгүүрүүд хямд үнийн баталгаа гэж гаргадаг. Энэ гэрээгээр тэр баталгааг л заасан байна. Эдгээр дэлгүүрт хямдаар нийлүүлнэ гэсэн гэрээ байна шүү дээ. Хэрэглэгчид ашигтай заалт. Үгсэн хуйвалдаж үнэ тогтооно гэдгийг үнээ өсгөх дээр л ярина. М Си Эс ийг буланд шахаж байгаа нь ойлгомжтой байна.

2  |  2
Zochin  (202.179.31.100)  2020 оны 03 сарын 17

Bvten 2 jil vvniig shiidwj chadahgvi bol tur bgaad yadag ym.Toruuli ni tulugdsun ym bol uu daa.tsaasan deer bgaa ed vv

0  |  0
GG (192.82.68.42)  2020 оны 03 сарын 17

Muhai buhen ene MCS-s garah yumaa

2  |  0
zochin (66.181.187.227)  2020 оны 03 сарын 17

yasan khanaj tsaddagguy umkhii lalaruud we

1  |  0
bb (103.212.119.202)  2020 оны 03 сарын 17

araichdee..hereglegchdiin tuluu gd b.san mcs.iinhan hudalch yumnuud..iiml bgaamdaa

1  |  0
Top