УВС: 2020 онд аймгийн сургуулийн хүчин чадал 960, цэцэрлэгийн хүчин чадал 490 ороор нэмэгдэх тооцоо бий

2019 онд ашиглалтад орсон бүтээн байгуулалтуудаас гадна 2020 онд ашиглалтад орохоор Улаангом политехник коллежийн оюутны 300 ортой дотуур байр, Тэс, Наранбулаг сумын сургуулийн хичээлийн шинэ байр, Улаангом сумын 4-р сургуулийн өргөтгөл, Зүүнговь, Тариалан сумдын Хүүхдийн цэцэрлэгийн барилга, Улаангом сумын 5, 2-р цэцэрлэгийн өргөтгөл, Ховд сумын сургуулийн дотуур байр, Бөхмөрөн, Зүүнговь, Зүүнхангай сумдын ЕБС-ийн спорт заал, Өлгий сумын спортын цогцолбор зэрэг барилгууд шинээр баригдаж байна. Энэхүү ажлын үр дүнд 2018-2019 оны хичээлийн жилд аймгийн хэмжээнд 1 бүлэгт ноогдох хүүхдийн тоо дунджаар 38,5 байсан бол, 2019-2020 оны хичээлийн жилд 33,3 буюу 5,2 -оор буурсан бодит үр дүн байна.

2020 онд сургуулийн хүчин чадал 960, цэцэрлэгийн хүчин чадал 490 ороор нэмэгдэх тооцоо бий. Ирээдүйг харсан, иргэнд хүрсэн боловсролын бүтээн байгуулалт сүүлийн 20-30 жилд байгаагүй хэмжээнд хийгдсэн бөгөөд Увс аймгийн хүүхэд багачууд чанартай боловсролтой, өрсөлдөх чадвартай иргэн болж төлөвших нь эдгээр бүтээн байгуулалтын эцсийн зорилго буюу алсын хараа оршиж байна.