УВС: Аймгийн иргэд төрийн зарим үйлчилгээг сумаасаа түргэн шуурхай авах боломж бүрдлээ

М.Тэнүүн | Zindaa.mn
2020 оны 05 сарын 20

МУЗГ, Харилцаа холбоо мэдээллийн технологийн газар хамтран Монгол Улсын төрийн бүх үйлчилгээг цахимжуулах, цахим засаглалыг хөгжүүлэх зорилгоор E-MONGOLIA төслийг 21 аймагт хэрэгжүүлж эхэллээ.

Тус хөтөлбөрийг Увс аймагт нэвтрүүлж, 19 сумын ЗДТГ-аас ирсэн мэргэжилтэнүүдэд тус үйлчилгээг иргэдэд үзүүлэх талаар сургалт зохион байгуулж, шаардлагатай техник тоног төхөөрөмжөөр бүрэн хангаж байна. Энэхүү үйлчилгээг нэвтрүүлснээр эхний шатанд харилцан ялгаатай чиг үүрэг бүхий төрийн 21 байгууллагын 185 үйлчилгээг зөвхөн хурууны хээгээ уншуулан сумаасаа авах бүрэн боломжтой юм.

Ингэснээр цаг хугацаа хөрөнгө мөнгө хэмнэхээс гадна төрийн үйлчилгээ хүнээс хамааралгүй болж шат дамжлага, чирэгдэл, хүнд суртал, авлига эрс буурах юм.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top