Осолдсон цогцсыг олов

Хөвсгөл аймгийн Мөрөн сумын иргэн 12 настай Э нь 3 сарын 9-нд алга болсноос хойш аймгийн Онцгой байдлын хэлтсийн аврах отрядын хамт олон эрэн хайх ажиллагааг хийсээр 3 сарын дараа усанд осолдсон цогцсыг олсон байна. Тус хамт олон 8 дахь удаагийн эрэн хайх ажиллагаагаар талийгаачийг Мөрөн сумаас 25 км-ын зайд шавранд шигдсэн байдалтай байх үед олжээ. Түүнийг алга болсон өдөр нэгэн иргэн гол даган гүйж явсан гэсэн мэдээллийг үндэслэн хайх ажиллагааг ар гэрийнх нь хамт үргэлжлүүлжээ. Тус аймгийн Онцгой байдлын хэлтсээс урин дулааны цаг ирсэн учраас бага насны хүүхдийг хараа хяналтгүй гол ус руу явуулахгүй байхыг орон нутгийн хэвлэл мэдээллийн хэрэгслээр сэрэмжлүүлсээр байгаа ажээ.

Эх сурвалж: МОНЦАМЭ