БИЧЛЭГ | Хуримаа хийж буй залуу хос Бейрутын дэлбэрэлтэд өртжээ

Ливаны нийслэл Бейрут хотын төв эмнэлэгт эмчээр ажилладаг Исраа Себлани  дэлбэрэлт болдог өдөр хуримлаж таарчээ.

Зурагчин Махмуд Накиб залуу хосын хуримын зураг авч, бичлэг хийж байсан аж.

Яг дэлбэрэлт болох үеэр Исраа Себланигийн зургийг авч байхад хүчтэй дэлбэрэлт болж зураг авч байсан газарт дэлбэрэлтийн хэсгүүд шидэгдсэн байна.

Азаар зураг авалтын баг болон залуу хос бэртэж гэмтээгүй аж.  Исраа Себланигийн гэр бүл хуримаа тодорхойгүй хугацаагаар хойшлуулсан байна.

Бейрут хотын ойролцоо орших боомтод аммонийн нитрат агуулсан агуулах дэлбэрч 123 хүн амиа алдан, 5000 гаруй хүн шархадсан юм.

Цаашид амиа алдсан болон шархдагсдын тоо нэмэгдэх хандлагатай байна.

Дэлбэрэлт 4.5 магнитудын чичирхийлэл үүсгэж, улмаар барилгын хэсгүүд хотын хоёр км-ын радиуст цацагдсан нь шархдагсдын тоог нэмэгдүүлсэн юм.