Цахим орчинд худал мэдээлэл тараасан иргэдийг олж тогтоолоо

Цахим орчинд Bat Hangai нэртэй фэйсбүүк хаягнаас “Ховд аймгийн зарын нэгдсэн групп”-т 2020 оны 11 дүгээр сарын 15-ны өдрийн 21 цагийн орчимд “...Ховд аймгийн Жаргалант сумын Цамбагарав багийн нутаг дэвсгэрт байрлах “Цагаан-Уул” цогцолборын хашаанд 2 автобустай гадаад улсын иргэдийг зөөвөрлөж ирсэн байна ...” гэх  утгатай шууд /live/ бичлэг хийсэн.

Энэхүү үндэслэлгүй, худал мэдээлэл олон нийтэд тараасан “М”, “Б” нарын хоёр этгээдийг шуурхай олж тогтоон,  цагдаагийн байгууллагаас мөрдөн шалгах ажиллагаа явуулж байна гэж өчигдөр /2020.11.15/ Ховд аймаг дахь Цагдаагийн газраас мэдээллээ.