Орон гэргүй иргэдийг нийгмийн халамжийн газарт хүргүүллээ

Нийслэлийн хэмжээнд нийт 238 гэр оронгүй иргэнийг байршуулах үйлчилгээнд хамруулж, аливаа эрсдэлээс урьдчилан сэргийллээ.

Нийслэлийн Засаг даргын Тамгын газрын Нийгмийн бодлогын хэлтэс, Нийслэлийн Нийгмийн халамжийн газар болон холбогдох байгууллагууд хамтран ажиллаж орон гэргүй эдгээр иргэнийг коронавирусийн шинжилгээнд хамруулж "Нийгмийн хамгааллын тусгай төв" болон энэ чиглэлээр үйл ажиллагаа явуулдаг төрийн болон төрийн бус зургаан байгууллагад хүлээлгэн өгөв.