“Нэг өрх-нэг иргэн” шинжилгээнд 1126 иргэн хамрагдлаа

2020 оны 12 сарын 05

Коронавирусын халдвар илрүүлэх PCR шинжилгээг Чингилтэй дүүрэг нийт өрхийн 10 хувьд хийж эхэллээ. Шинжилгээ 12 дугаар сарын 4-6ны өдрүүдэд явагдана. Шинжилгээг дүүргийн зорилтот бүлгийн өрхийн 3000 иргэнээс авахаар төлөвлөсөн.

“Нэг өрх – Нэг иргэн” шинжилгээ авч байгаа 50, 57, 49, 117 дугаар сургуулиуд дээр өнөөдрийн /2020.12.04/ 17.30 цагийн байдлаар 1126 хүн шинжилгээнд хамрагдсан байна. Шинжилгээнд хамрагдах иргэд ирэхдээ иргэний үнэмлэхтэйгээ ирэх ба өмнө шинжилгээнд хамрагдсан иргэд дахин өгөх боломжгүй юм. Иргэд хорооны харьяаллын дагуу дараах шинжилгээний цэгүүдэд шинжилгээнд хамрагдах боломжтой. Шинжилгээ авах цэгийн үйл ажиллагаа болон иргэдийн амны хаалт зүүсэн, бээлий өмссөн байдалд хяналт тавьж, гадна орчинд хүн хоорондын зай бариулан халдвар хамгааллын дэглэмийг мөрдүүлж ажиллалаа.


Эх сурвалж: Чингэлтэй дүүргийн Онцгой комисс

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top