Ж.Дамдинцэрэн: Би хэний фракц, хэний хүн гэдгээ мэдэхгүй

Автор | Zindaa.mn
2020 оны 12 сарын 11

Нийслэлийн соёл, урлагийн газрын дарга Ж.Дамдинцэрэнг үндэслэлгүйгээр ажлаас нь халсан гэдгийг шүүхийн байгууллагаас тогтоож, ажилд нь эргэж томилсон тухай бид мэдээлсэн. Тэгвэл энэ талаар Ж.Дамдинцэрэн өөрийн цахим хуудастаа дараах тайлбарыг нийтэлснийг хүргэж байна.

Нэг жил хагасын өмнө Нийслэлийн Соёл, урлагийн газарт ажиллаж байхад хэсэг бүлэг хүмүүсийн эрх ашиг, хувийн сонирхол, гүтгэлэг, цуурхал, явуулга дээр тулгуурлан Засаг дарга /тухайн үeийн/ сахилгын шийтгэл нэрийдлээр ажлаас халах тушаал гаргасан.
Үүний дараа миний биe нотлох баримтгүй, Төрийн албаны хуулийн зохих шаардлагыг хангаагүй, үндэслэл муутай шийдвэр гэж үзээд шүүхэд хандан үнэн мөнийг нь тогтоолгож, эрхээ хамгаалж, нэр төрөө сэргээлгэхээр хүсэлт гаргасан юм.
Энэ хугацаанд:
- Нийслэл дэх Захиргааны хэргийн анхан шатны шүүхийн Шийдвэр /2019.10.11/,
- Захиргааны хэргийн давж заалдах шатны шүүхийн Магадлал /2020.02.06/,
- Монгол Улсын Дээд шүүхийн хяналтын шатны захиргааны хэргийн шүүх хуралдааны Тогтоол /2020.05.13/,
- Нийслэл дэх Захиргааны хэргийн анхан шатны шүүхийн Шүүгчийн Захирамж /2020.07.24/,
- Нийслэл дэх Захиргааны хэргийн анхан шатны шүүхийн Гүйцэтгэх хуудас /2020.07.24/,
- Шүүхийн Тогтоол /2020.09.30/ зэрэгт урд эрхэлж байсан ажилд эгүүлэн томилох шийдвэр гарч байсан боловч тухай бүрт нь НЗДТГ /тухайн үeийн/-аас хоног хугацааг аль болох сунгаж удаашруулах, давж заалдах, тайлбар гаргах, ээлжийн амралт таарсан учир биeлүүлэх боломжгүй байна гэх мэтчилэн зунгааралдуулсаар шүүхийн шийдвэрийг хэрэгжүүлэлгүй байсаар шинэ Засаг, шинэ тогтолцоотой болж асуудлыг шийдвэрлэн /2020.12.10/ өнөөдөр /2020.12.11/ ажилдаа буцаж орлоо.
Ямар нэг албан тушаал хашихад хэн нэгний нөмөр, аль нэг бүлэглэлд орж байж бүтдэг гэх яриа нийгэмд байдаг. Үнэнийг хэлэхэд “Би ингэхэд хэний фракц, хэний хүн юм бол?!” гэдгээ мэдэхгүй. Заавал нэг бүлэглэл, эсвэл нэг хүний ивээлд байх ёстой гэдгийг ойлголгүй өнөөдрийг хүрчээ. Мэдээж ажил дээр санаа бодол, гар хөл нийлэх нийлэхгүй олон асуудал гардаг. Тэр болгоныг хийe бүтээе гэсэн сэтгэл байвал ойлголцоод шийдэж болдог. Харин ойлголцохгүй бол зам замаа хөөсөн нь амар байдаг. Залуучууд бидний хувьд сандал суудал гэхээсээ мэдсэн сурсан, санасан бодсоноо ажил хэрэг болгохын төлөө зүтгэж явах нь урамтай.
Энэ хугацаанд Нийслэлийн Соёл, урлагийн газрын хамт олон болон даргаар ажиллаж байсан Ч.Бат-Эрдэнэ та бүхэнд талархаж байгаагаа илэрхийльe.
Нийслэл хэмээх их айлын арын албанд дахин зүтгэх боллоо. Эрхэм найз нөхөд минь дэмжээрэй!

Сэтгэгдэл ( 8 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Бар (49.0.212.3)  2020 оны 12 сарын 12

Нэг удаа байгуулга дотор төөрөөд зам асуухад ярвайсан залуугаараа их зантай ахмад хүн хүндэлдэггүй хүү байна лээ.

0  |  0
Zochin (150.129.143.173)  2020 оны 12 сарын 12

Etsgiin nuluuguur ajild orson um chin argagui bhadaa

0  |  0
иргэн (103.26.195.182)  2020 оны 12 сарын 12

Одоо болтол харьяалалаа мэддэггүй Эргүүтсэн хог вэ

0  |  0
Эрдэнэ (64.119.24.217)  2020 оны 12 сарын 11

заавал улсаас юм зулгааж амар хялбар амьдарах гэсэн юмнууд гол нь тусгай зөвшөөрөл олгодог газруудад томилогдох өөр хийх ажил байхгүй

0  |  0
Дайрсан (64.119.20.76)  2020 оны 12 сарын 11

Гомо гээд дайраад байсан биз дээ

0  |  0
Зочин (150.129.143.133)  2020 оны 12 сарын 11

Сэжгийн амьтан.

0  |  0
гатнуулч (43.242.243.147)  2020 оны 12 сарын 11

Су.Батболдийн муужгай гэдгээ мэдэж ав кк

1  |  0
Ard (192.82.68.217)  2021 оны 01 сарын 05

Za amjilt.

1  |  0
Top