Хавдар судлалын эмнэлгээс халдвар гарсан тул ӨВЧТӨН ХҮЛЭЭН АВАХГҮЙ

Хавдар Судлалын Үндэсний Төвийн хоёр эмчээс шинжилгээгээр халдвар илэрсэн. Гэхдээ магадлах, баталгаажуулах шинжилгээ хийж байгаа тухай бид өмнө нь мэдээлсэн.
 
Тус эмнэлэг 600 гаруй эмч, ажилтантай. 324 эмч, ажилтнаас тандалт, урьдчилан сэргийлэх хүрээнд шинжилгээ авахад хоёр  эмчээс халдвар илэрсэн бөгөөд бусад 300 гаруй эмч, ажилтан болоод үйлчлүүлэгчдийг шинжилгээнд хамруулах ажлыг өнгөрсөн шөнөөс хийж эхэлжээ.

Үүнтэй холбоотойгоор, тус эмнэлгийг битүүмжлээд байгаа ба иргэдэд үйлчлэхгүй гэдгээ мэдэгдсэн байна.

Хавдар судлалын үндэсний төвд батлагдсан тохиолдол бүртгэгдэхээс өмнө хүн хоорондын зайг баримталж, үйлчлүүлэгчийн халууныг үзэж ариутгал, халдваргүйтлийн дэглэмийг сахин, өвчтөнүүдээ хүлээн авч байсан юм.