Зам харгуй нээх ажилд Зэвсэгт хүчний алба хаагчдыг дайчлав

Админ | Zindaa.mn
2021 оны 04 сарын 28

Энэ сарын 24, 25-нд орсон их хэмжээний хур тунадас, цасан шуурганы улмаас хангайн сумдад зам даваа хаагдах, зарим газраа мөсөн бүрхүүл тогтох зэрэг цаг агаарын бэрхшээл бий болсон юм.

Үүссэн нөхцөл байдалтай холбогдуулан Онцгой комиссын цаг агаарын аюулт үзэгдлийн үед ажиллах шуурхай ажлын хэсгээс Зэвсэгт хүчний 339 дүгээр ангийн алба хаагчдыг Галуут сумаас зүүн хойд зүгт 80 орчим км газарт цас, мөсөн хунгарт боогдсон 100 орчим өрхийн 300 гаруй малчдад зам харгуй гаргах, шаардлагатай эм, эмнэлгийн хэрэгсэл, өвс тэжээл хүргүүлэхээр томиллоо.

Малчдад туслах ажлын хэсэг 6 алба хаагчийн бүрэлдэхүүнтэй, хоёр нэгж техник хэрэгсэлтэйгээр өнгөрсөн Ням гарагийн 23:20 цагт Баянхонгор сумаас хөдөлсөн байна.

Баянхонгор аймгийн Засаг дарга Д.Мөнхсайхан ЗХЖШ-аас холбогдох зөвшөөрлийг авснаар уг зохицуулалтыг хийсэн аж.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top