Ерөнхийлөгчийн зарлигаар эрүүл мэндийн салбарынхныг шагналаа

2021 оны 05 сарын 21

Эрүүл мэндийн салбарт үр бүтээлтэй ажиллаж, иргэдийн эрүүн энхийн манаанд үүрэг гүйцэтгэж байгаа эрүүл мэндийн салбарын төлөөллийг Монгол Улсын Ерөнхийлөгчийн зарлигаар төрийн одон медалиар шагналаа. Шагналыг Нийслэлийн Засаг дарга бөгөөд Улаанбаатар хотын Захирагч Д.Сумъяабазар гардуулсан юм.

“Өргөө” амаржих газрын эх баригч Б.Оюунчимэг, Сүхбаатар дүүргийн Эрүүл мэндийн төвийн дарга Л.Баярхүү нарын нэр бүхий 10 хүн Хөдөлмөрийн гавьяаны улаан тугийн одонгоор, Хан-Уул дүүргийн Эрүүл мэндийн төвийн халдвар судлаач С.Өлзийжаргал, Чингэлтэй дүүргийн Эрүүл мэндийн төвийн салбарын эрхлэгч Ц.Доржмаа нарын 29 хүн Алтан гадас одонгоор шагнуулав. Мөн Нийслэлийн Эрүүл мэндийн газрын Статистик мэдээлэл, цахим эрүүл мэндийн хэлтсийн дарга Н.Долгормаа, Чингэлтэй дүүргийн Эрүүл мэндийн төвийн Нийгмийн эрүүл мэндийн орлогч дарга Н.Нямсүрэн нарын нэр бүхий 68 хүн Хөдөлмөрийн хүндэт медалиар энгэрээ мялаалаа.

 
Эх сурвалж: НЗДТГ-ын хэвлэл мэдээлэлтэй харилцах хэлтэс
 

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зангараг (202.179.26.220)  2021 оны 05 сарын 22

Энгэрт нь төмөр зүүж өгөөд хямдхан ажиллулж мэдлэг чадвары нь шавхдаг коммунист арга барил шүү дээ. Олон түмэн одоо ойлгож ойворгон сагсуу Хүрэлсүхээр удирдуулсан коммунист МАН ыг тараах хөдөлгөөнд нэгдэцгээснийг дэмжиж байна.

0  |  0
Kkkkk (83.20.240.102)  2021 оны 05 сарын 21

3 saya togrog ogood l neg bichigtei hechneen bayarlah baisim

0  |  0
Иргэн (103.10.23.129)  2021 оны 05 сарын 22

Энэ дарга нар бүгд төмөр зүүж өгөх дон тусжээ

1  |  0
Top