Цагдаагийн алба хаагч иргэнээс бэлэн мөнгө нэхээгүй гэв
Өчигдөр Хэнтий аймгийн Бор-Өндөр сумын нутагт цагдаагийн алба хаагч иргэнтэй зүй бусаар харьцсан, иргэнээс бэлэн мөнгө нэхсэн гэх утгатай мэдээлэл гарч эхэлсэн.
Уг мэдээллийг албаныхнаас тодруулахад “Хэнтий аймаг дахь цагдаагийн газрын Бор-Өндөр сум дахь сум дундын цагдаагийн хэлтсийн Нийтийн хэв журам хамгаалах хэсгийн харуулын цагдаа, цагдаагийн дэд ахлагч С нь Онцгой байдлын хэлтсийн алба хаагч, дэд ахлагч Б-ийн хамт 2021 оны зургаадугаар сарын 20-ны өдрийн 11.28 цагт тус сумын 4 дүгээр багт байрлах хорио цээрийн дэглэм сахиулах шалган нэвтрүүлэх цэгт үүрэг гүйцэтгэж байх хугацаанд эрэгтэй, 52 настай Д гэгч нь улсын дугааргүй Да-Юун маркийн мотоцикл жолоодож тухайн пост дээр ирэхэд үед нь зогсоож шалгасан байна.
Уг иргэн тээврийн хэрэгсэл жолоодох “А” ангиллын эрхийн үнэмлэхгүй байсан тул Монгол Улсын Зөрчлийн тухай хуулийн 14 дүгээр зүйлийн 14.7.1 дэх хэсгийг тайлбарлан өгч, цагдаагийн хэлтэс рүү авч явах, мөн тээврийн хэрэгслийн түлхүүрийг өгөх талаар хууль ёсны шаардлага тавихад иргэн Д эсэргүүцсэн тул цагдаагийн албаны тухай хуулийн 49 дүгээр зүйлийн 49.1.1 дэх хэсэгт заасны дагуу биеийн хүч, тусгай хэрэгсэл хэрэглэсэн байна” гэлээ.
Холбоотой мэдээ
Сэтгэгдэл ( 3 )
албан үүргээ зохих ёсоор биелүүлсэн байна.
Цагдаа нарын ажлыг хүндрүүлж битгий зовоогоочээ. Тэртээ тэргүй их ачаалалтай ажиллаж бгаашдээ. Иргэний үүргээ л биелүүлчих. Тэгээд л боллоо шдэ.
биеийн хүч, тусгай хэрэгсэл хэрэглэсэн байна”хэрэглэхгүй зохиуцуулж болоогүй юмуу?.сонин л юм.