Тарваганы нойтон мах тээвэрлэж яваад цагдаад баригджээ

2021 оны 08 сарын 12

Баянхонгор аймгийн шалган нэвтрүүлэх постод үүрэг гүйцэтгэж байсан Цагдаагийн алба хаагчид зургаан ширхэг тарваганы нойтон мах тээвэрлэж явсан зөрчлийг илрүүлжээ.

Хурааж авсан тарваганы махыг холбогдох журмын дагуу аймгийн Мэргэжлийн хяналтын газарт хүлээлгэн өгсөн байна.

Аймгийн Засаг даргын “Тарваган тахал өвчнөөс урьдчилан сэргийлэх арга хэмжээг эрчимжүүлэх тухай”  захирамжийг хэрэгжүүлэх ажлын хүрээнд наймдугаар сарын 9-ний өдрөөс 10 дугаар сарын 10-ны өдрүүдэд авто тээврийн шалган бүртгэх товчоо, хяналтын цэгүүдэд байнгын хяналт, шалгалтыг хийх аж.

Баянхонгор аймаг дахь Цагдаагийн газраас жолооч, иргэдийг энэ төрлийн хориотой ан амьтны мах тээвэрлэхгүй байхыг анхаарууллаа.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Х (66.181.161.44)  2021 оны 08 сарын 13

Ямар аймаар хэрэг вэ

0  |  0
Top