ДОРНЫН ЗУРХАЙ: Хулгана, луу жилтнээ эерэг өдөр

НАМРЫН АДАГ ШАР НОХОЙ САРЫН ТАВАН ШАР МЭНГЭТЭЙ БИЧ ӨДӨР

• Аргын тооллын: 2021.10.27 / Лхагва гараг Билгийн тооллын 22
• Үс засуулвал: Идээ ундаа элбэг олдоно
• Наран ургах, шингэх: 07.29-17.43
• Барилдлага: Үл зохилдох
• Шүтэн барилдлага: Нэр өнгө

Энэ өдөр хулгана, луу жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сүм дуганыг сэргээх, бүжиг наадам хийх, цэцэрлэг байгуулах, хур оруулах, дархны үйлд сайн.

Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно.