Олон улсын хүүхдийн хөл бөмбөгийн тэмцээнд манай тамирчид амжилттай оролцлоо

Олон улсын хүүхдийн найрамдалт хөл бөмбөгийн тэмцээн БНСУ-ын Чүнчонь хотноо 2022 оны зургаадугаар сарын 7-12-ны хооронд анх удаа зохион байгуулагдсан юм. Тус тэмцээнд Баянгол дүүргийн 40 дүгээр сургуулийн багш, дасгалжуулагч П.Мөнхбатаар ахлуулсан Улаанбаатар хотын өсвөрийн хөл бөмбөгийн 12 насны шигшээ багийн тамирчид амжилттай оролцоод ирлээ.

Тэмцээнд Монголоос гадна Индонез, Колумби, Сингапур, Вьетнам, БНСУ-ын баг тамирчид оролцжээ. БНСУ-ын Чүнчонь хотоос санаачлан зохион байгуулсан Сун Хюн Миний нэрэмжит Олон улсын хүүхдийн найрамдалт хөл бөмбөгийн тэмцээн нь найрамдалт харилцаат хотуудын цаашдын хамтын ажиллагааг өргөжүүлэх зорилготой юм. Иймд тус тэмцээнийг жил бүр уламжлал болгон зохион байгуулахаар болжээ.

Ирээдүйн шилдэг хөл бөмбөгчдөдөө амжилт хүсье.