Шүүгч нарын сахилгын хэргийг НИЙТ ШҮҮГЧИЙН хуралдаанаар оруулна

Б.Гантуяа | Zindaa.mn
2022 оны 06 сарын 23

Улсын дээд шүүхийн хяналтын шатны сахилгын хэргийн хуралдаанаар Сүхбаатар дүүргийн эрүүгийн хэргийн анхан шатны шүүхийн шүүгч З.Болдбаатар, Х.Идэр, Булган аймаг дахь сум дундын эрүүгийн хэргийн анхан шатны шүүхийн шүүгч Д.Отгонбаатар нарт холбогдох сахилгын хэргийг хянан хэлэлцэхээр товлосон боловч шүүгч Х.Идэр шүүх хуралдаан давхацсан шалтгаанаар хуралдааныг хойшлуулах хүсэлт гаргасныг хүлээн авч, хуралдааныг хойшлууллаа.

Монгол Улсын шүүхийн тухай хуульд Сахилгын хорооны хяналтын тогтоолыг хүчингүй болгуулахаар сахилгын хэргийн оролцогч гомдол, илтгэгч гишүүн эсэргүүцлийг Улсын дээд шүүхэд гаргаж болохоор шинээр зохицуулсан бөгөөд Дээд шүүхийн таван шүүгч танхим харгалзахгүйгээр сахилгын хэргийг хянан шийдвэрлэх шүүх хуралдаанд оролцохоор заажээ.

Гэвч уг хуульд Улсын дээд шүүхийн хяналтын шатны сахилгын хэргийн хуралдааныг явуулах дэг, хэрэг хянан шийдвэрлэх ажиллагааны журмыг тодорхой зохицуулаагүй байх тул энэ асуудлаар шүүх бүрэлдэхүүн Монгол Улсын дээд шүүхийн нийт шүүгчийн хуралдаанд санал оруулахаар болжээ.

Сануулахад, энэ оны нэгдүгээр сарын 21-нд Нийслэлийн Баянзүрх дүүрэгт байрлах "Parkview” хотхоны байранд нөлөө бүхий хуулийн байгууллагынхан цугларч, биеэ үнэлэгч хөлсөлсөн байж болзошгүй агуулгатай бичлэг цахим орчинд тарсан. Уг бичлэгт, Сүхбаатар дүүргийн Эрүүгийн хэргийн анхан шатны шүүхийн шүүгч Х.Идэр, З.Болдбаатар, болон Улсын Дээд шүүхийн тамгын газрын ХНХ-ийн дарга асан Д.Отгонбаатар, өмгөөлөгч Б.Баасанцогт, Авлигатай тэмцэх газрын ажилтан П.Чулуунбаатар нарын хүмүүс багтсан байдаг. 

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top