Хотын дарга ААН-үүдийг гадна талбайгаа тохижуулахыг уриаллаа

2022 оны 06 сарын 27

Нийслэлийн Засаг дарга бөгөөд Улаанбаатар хотын захирагч Д.Сумъяабазар аж ахуйн нэгжүүдийг гадна талбайгаа иргэдэд ээлтэй тохижуулахыг уриаллаа.


Уриалгад "Эрхэм хүндэт Улаанбаатарчууд аа, баялаг бүтээгч аж ахуйн нэгжүүд ээ
 
Та бүхэндээ зуны дэлгэр өдрийн мэндийг хүргэж, цэлгэр цэвэр, аюул эрсдэлгүй Улаанбаатар хотыг бий болгох Нийслэлийн Засаг даргын санаачилгыг дэмжин хашаа хайсаа буулгаж, гадаа талбайгаа тохижуулж, нийслэл хотдоо өнгө нэмж буйд талархал илэрхийлье.
 
Улаанбаатар хотод өдгөө Монгол Улсын хүн амын 50 орчим хувь нь аж төрж, нийт аж ахуйн нэгжийн 70 гаруй хувь нь үйл ажиллагаагаа явуулж байна. Төвлөрөл дагасан энэхүү хэт бөөгнөрөл нь өнгөрсөн хугацаанд үл ойлголцол, тусгаарлан бэхжих орчин нөхцлийг үүсгэсэн ч энэ нь ирээдүй цагт Улаанбаатар хот иргэндээ ээлтэй, аж ахуйн нэгждээ дэмтэй хотын соёлын түгээн дэлгэрүүлж, дагаж мөрдөж, цэцэглүүлэн хөгжүүлэх их зорилтоос ухрах шалтаг шалтгаан болох учиргүй юм. Иймд үүсэн байгуулагдсан 400 жилийнхээ ойд дөтөлж, хотын соёлыг манлайлан төлөвшүүлэх учиртай их хотын ирээдүйг цэлгэр цэвэр, аюул эрсдэлгүй болгож, тусгаарлан хашаалсан жижиг эрх ашгаас чөлөөлж, гадна талбайгаа иргэндээ ээлтэй тохижуулах нь Улаанбаатар хотын оршин суугч нэг бүр болоод аж ахуйн нэгж бүрийн үүрэг хариуцлага хэмээн гүнээ итгэж байна.
 
Энэхүү итгэл, хүлээлт, зорилтыг хүндэтгэн үзэж, бид бүхний санаачилгыг дэмжин үйл хэргээрээ манлайлан үлгэрлэж буй иргэн, аж ахуйн нэгж бүхэнд дахин талархал илэрхийлж, үргэлжлүүлэн нээлттэй хамтран ажиллахыг уриалж байна.
Цэлгэр, цэвэрхэн, аюулгүй хотын төлөө хамтдаа хичээцгээе" гэжээ.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин(202.179.27.112) 2022 оны 06 сарын 27

БОАЖЯ- ны сайд Бат Эрдэнэ,хотын дарга Сумьяабазар та ард түмнээр үнхээр тоглоом хийж дууслаа. Та нар дугай цагаанд хүний эд хөрөнгөөр боссон шавран гэрүүдийг буулгаж шудрага дүрд тоглож олиорсон. Гэтэл Хүрэлсүхийн сонгуулийн үеээр Өмнөговийн Гурван тэсд очиж уурхайн шүүрлийн усыг харуулж хөрс газар сүүдлаа гэж жүжиглэж явсан Мандахбаяр гээч луйварчин нөхрийг Барилгын салбр луу рүү оруулж одооонгон байгалийг сүйтгүүлж байна. Та бүхэн Хүрэлтогтоотын аманд барихаар сүйтгэж эхэлж буй ажлаа зогсоо. Та бүхэн ард түмнээр бүү тогло. Сумьяабазар та бөхөө хөө. Та улс төрд байх хүн яавч биш.

0  |  0
Top