Нийслэл рүү загас болон хар үнэгийг зөвшөөрөлгүй нэвтрүүлэхийг завджээ

2022 оны 08 сарын 11
Нийслэлийн Мэргэжлийн хяналтын газраас Авто тээврийн шалган нэвтрүүлэх товчооны хяналтын мэдээллийг хүргэж байна.
 
 
Монгол Улсын Байгаль орчныг хамгаалах багц хууль, “Түүхий нүүрс хэрэглэхийг хориглох тухай” Засгийн газрын 62, 223 дугаар тогтоолын хэрэгжилтийг хангуулан Мэргэжлийн хяналтын ерөнхий газрын даргын баталсан удирдамж, Нийслэлийн Мэргэжлийн хяналтын газрын даргын тушаалын дагуу Авто тээврийн шалган нэвтрүүлэх 6 товчоо болон хяналтын цэгт 24 цагаар байнгын үүрэг гүйцэтгэн ажиллаж байна.
 
2022.07.01-2022.08.10-ны хооронд:
 
1. Түүхий нүүрс тээвэрлэн Улаанбаатар хот уруу нэвтрүүлэхийг завдсан зөрчил илрээгүй.
 
2. 16 удаагийн зөрчлөөр 32 ширхэг тарвага тээвэрлэн Улаанбаатар хот уруу нэвтрүүлэхийг завдсан зөрчлийг илрүүлэн тарвагыг ЗООНОЗ өвчин судлалын үндэсний төвд хүлээлгэн өгч тарваган тахлын шинжилгээнд хамруулан, Зөрчлийн тухай хуулийн холбогдох заалтын дагуу торгуулийн арга хэмжээ ногдуулж хохирол нөхөн төлбөрийг Байгаль орчин, уур амьcгалын санд төвлөрүүлсэн.
 
3. Холбогдох зөвшөөрөлгүй 4 ширхэг загас, 2 ширхэг хар үнэг, 41м3 мод тээвэрлэн Улаанбаатар хот уруу нэвтрүүлэхийг завдсан зөрчлийг илрүүлэн харьяаллын дагуу Цагдаагийн байгууллагад шилжүүлэн ажиллав.
 

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
huurhii uneg (126.254.213.202)  2022 оны 08 сарын 12

yamar muuhai nowshnuud we uneg agnaad!

0  |  0
Kkk (172.58.140.206)  2022 оны 08 сарын 11

Zamdaa taarsan bolgoniig l avaad yavaad bsan iymuu haishaa iym. Shiidchihsen nuhor bna daa.

0  |  0
Зочин (59.153.112.36)  2022 оны 08 сарын 11

Хайран сайхан хар үнэг

0  |  0
Zerleh (202.126.88.66)  2022 оны 08 сарын 11

Uneg shar baidag bizdee? Xar geheer howor turul ni ym bishvv

0  |  0
Top