"BLACKPINK" хамтлаг VMA-с "Best Metaverse Performance" шагнал хүртлээ

MTV телевизээс зохион байгуулдаг "Video music awards 2022" Нью Жерси дэх Пруденциалд зохион байгуулагдаж байна. 38 дахь жилдээ зохион байгуулагдаж буй тус наадмаас "Blackpink" хамтлаг "Blackpink the Virtual" үзүүлбэрээрээ "Best Metaverse Performance" шагнал хүртлээ. 

Тус шагнал гардуулах ёслолын үеэр "Pink Venom" дуугаа толилуулсан тэд VMA-ийн тайзнаа үзүүлбэрээ үзүүлсэн цөөн охидын хамтлагийн нэг боллоо. Өмнө нь энэхүү тайзан дээр "TLC", "Spice Girls", "Fifth Harmony" зэрэг хамтлагууд үзүүлбэрээ үзүүлж байсан түүхтэй. Тэр дундаа Ази охидын хамтлаг үзүүлбэрээ үзүүлж буй анхны тохиолдол бөгөөд "Blackpink" хамтлаг дэлхий даяар нэр алдартай болсноо ийнхүү дахин баталлаа. 

Хамтлагийн охид улаан хивсний ёслолд хүрэлцэн ирэхдээ өөрсдийн төлөөлдөг "Celine", "Dior", "Chanel", "Yves Saint Laurent" брэндийн хувцсаар гоёсон байна.