Дөрвөн байршилд төмөр зам доогуур авто замын нүхэн гарц барина

2022 оны 10 сарын 03

НЗДТГ-ын даргын албан үүргийг түр орлон гүйцэтгэгч И.Баатархүү “Улаанбаатар хотын дөрвөн байршилд төмөр зам доогуур авто замын нүхэн гарц шинээр барих төсөл”-ийн ажлын зураг төсөл боловсруулах, барилга угсралтын ажлыг гүйцэтгэх түлхүүр гардуулах нөхцөлтэй гэрээнд гарын үсэг зурлаа.

Тус төсөл нь БНХАУ-ын Засгийн газрын хөнгөлөлттэй зээлийн хөрөнгөөр “Хөгжлийн хөтөч-дэд бүтэц” төслийн хүрээнд хэрэгжих  юм. Энэ үеэр талууд нийслэлийн гол дөрвөн байршилд босоо чиглэлд автомашины хөдөлгөөнийг задлах, урсгалыг нэмэгдүүлэхэд нэн чухал ач холбогдолтойг онцлоод, хэрэгжилтийг онцгой анхаарч хамтран ажиллахаа илэрхийлэв.

Төслийн ерөнхий гүйцэтгэгчээр БНХАУ-ын “Чайна Тисижу Сивил Инженеринг Групп” ХХК ажиллах бөгөөд нүхэн гарцын зураг төсөл боловсруулах ажил ийнхүү эхэлж байна. Зураг төслийн ажлыг найман сарын хугацаанд боловсруулж, 2023 оны хоёрдугаар улиралд багтаан барилгын ажлыг эхлүүлэхээр төлөвлөжээ. Харин дараа нь нүхэн гарцуудын барилгын ажлыг 18 сарын хугацаанд бүрэн дуусгах юм.

Нүхэн гарцуудыг дараах дөрвөн байршилд хэрэгжүүлнэ. Үүнд:

-Сонгинохайрхан дүүрэг, Таван шарын төмөр замын гармын баруун талын нүхэн гарц.

-Сонгинохайрхан дүүрэг, Геологийн төв лабораторийн уулзвар.

-Баянгол дүүрэг, Хермес төвийн урд, төмөр замын зоорины урд нүхэн гарц.

-Нарны зам болон Их хүрээний гудамжны уулзварын нүхэн гарц.

Уг төсөл нь Улаанбаатар хотод тулгамдаад буй авто замын түгжрэлийн асуудлыг шийдэх хүрээнд төлөвлөгдсөн цогц арга хэмжээний нэг хэсэг юм.

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин(66.181.161.59) 2022 оны 10 сарын 03

Зураг төсөлд 8 сарын хугацаа ..арай их байна ш дээ

0  |  0
Ок(103.229.121.160) 2022 оны 10 сарын 03

YES 10-р хорооллоос ажил руугаа заавал Нарны гүүр Алтай хотхон эсхүл Гурвалжин гэхгүй амар болох нь

0  |  0
Dawhar zxm(64.119.19.47) 2022 оны 10 сарын 03

Tengeriin toirogoo barildaa shuuud zuunees baruun baruunaas zuun luu shuud ywdag dawhar zamaa barildaa yagaad dawhar zam barihgui bga ym beeee

0  |  0
Top