Хашаандаа архи үйлдвэрлэж байсан этгээдийг илрүүлжээ

Цагдаагийн байгууллагад нэгдүгээр сарын 23-нд “Баянзүрх дүүргийн нутаг дэвсгэрт гэртээ архи үйлдвэрлээд байна, хашаанд нь их хэмжээний архины шил байна” гэх дуудлага мэдээлэл ирсэн байна.

Дуудлагын дагуу тус дүүргийн цагдаагийн газрын гуравдугаар хэлтсээс шалгахад иргэн “Б”-гийн хашаанд байрлах гараашаас “Монгол стандарт”, “Чанар”, “Хийморь” нэртэй архи илрүүлжээ. Улмаар  архи болон тоног төхөөмжүүдийг битүүмжилж, татварын тэмдэгт, архийг хуурамч эсэхийг тогтоохоор шалгалтын ажиллагаа явуулж буй аж.

Мөн иргэн “А” нь бусадтай бүлэглэн Сэлэнгэ аймгийн Алтанбулаг чөлөөт бүсээс их хэмжээний виски, архи, согтууруулах ундааг худалдан авч, хуурамч онцгой албан татварын тэмдэгт нааж, их хэмжээний татвар төлөхөөс зайлсхийж, ашиг олж мөнгө угаах гэмт хэрэг үйлдсэн байж болзошгүй үйлдэлд мөрдөн шалгах ажиллагаа явуулж байна.