Самбо бөхийн УАШТ Булган аймагт болно

Монголын самбо бөхийн холбооны 2023 оны насанд хүрэгчдийн Улсын аварга шалгаруулах тэмцээн нэгдүгээр сарын 31-нээс хоёрдугаар 2-нд Булган аймгийн Спортын ордонд болно.

Тэмцээнийг Самбо бөхийн залуучуудын дэлхийн аварга, ОУХМ, Булган аймгийн Баян-Агт сумын харьяат, улсын начин Жигмэдийн Оргилболдын нэрэмжит болгон зохион байгуулж байна.

Эрэгтэйчүүдийн 51, эмэгтэйчүүдийн 26, байлдааны самбын 13 дахь удаагийн тэмцээн эрэгтэй (58, 64, 71, 79, 88, -98, +98 кг), эмэгтэйчүүд (50, 54, 59, 65, 72, -80, +80 кг) болон байлдааны самбын (58, 64, 71, 79, 88, -98, +98 кг) тус бүр долоо, нийт 21 жинд болох юм.