Монгол бөхөн тархац нутгаа тэлжээ

2023 оны 01 сарын 30

Увс аймгийн Байгаль орчин, аялал жуулчлалын газарт “МОН-ТУВА” ХХК-ны захирал Ц.Баасандорж зэрлэг амьтдын амьдрах орчинд дэмжлэг үзүүлэх санал ирүүлж, хамтран ажиллаа.

Эхний удаа Наранбулаг сумын нутагт сэргэн нутагшиж байгаа монгол бөхөнгийн байршил, тоо толгой, идэш тэжээлийн нөхцөл зэргийг тандан судалж, бөхөнгийн байршил бүхий 7 цэгт өвс, чулуун давс тавьж ажиглалт явуулах ажлыг “МОН-ТУВА” ХХК 2023 оны нэгдүгээр сарын 28-ны өдөр БОАЖГ-тай хамтран гүйцэтгэлээ.

Байгаль цаг уурын нөхцөл хүндэрсэн нэн шаардлагатай газруудад дараагийн арга хэмжээ авч хэрэгжүүлэх, биотехникийн арга хэмжээ авсан газарт автомат камер байрлуулж, үр дүнг тооцох ажлыг үргэлжлүүлэхээр тохирлоо. “МОН-ТУВА” ХХК нь нийгмийн хариуцлагын хүрээнд зэрлэг амьтдын амьдрах орчинд дэмжлэг үзүүлэх ажлыг санаачилж, бусдыгаа хошуучлан ажиллаж  байгаад талархал илэрхийлье гэж Увс аймгийн Байгаль орчин, аялал жуулчлалын газраас мэдээллээ.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
зочин(202.131.233.251) 2023 оны 01 сарын 31

Байгалийн зэрлэг амьтаны ингэж хамгаална гэж ямар тэнэг нь хэлээд яриад байгаа юм бэ. Ёстой МУЛГУУ юм даа. тэд зэрлэг амьтан шүү.

0  |  0
zochin(192.82.68.174) 2023 оны 01 сарын 30

Ингэж цувуулж орхивол салхинд аманд ч,,хамарт ч үгүй гэдэгдээ

0  |  0
Top