Газрын тосны үйлдвэр барих төслийг гацаанаас гаргахыг үүрэг болгожээ

2023 оны 06 сарын 16

Монгол Улсын сайд, Засгийн газрын Хэрэг эрхлэх газрын дарга Д.Амарбаясгалан Дорноговь аймгийн Алтанширээ сум дахь Газрын тос боловсруулах үйлдвэр барих төслийн ажилтай танилцлаа. Тус төслийг БНЭУ-ын Засгийн газрын хөнгөлөлттэй зээлийн санхүүжилтээр хэрэгжүүлж буй.

Монгол Улсын Засгийн газрын 2020-2024 оны үйл ажиллагааны хөтөлбөрт “Дотоодын түүхийн эдэд тулгуурласан Газрын тос боловсруулах үйлдвэрийг барьж байгуулна” гэж заасан. Жилд 1,5 сая тн газрын тос боловсруулах хүчин чадал бүхий тус төслийн бүтээн байгуулалтын технологийн бус барилга байгууламжийн ажил EPC-1-ийн гэрээний хүрээнд эхэлсэн.

EPC-2 багц ажлын хүрээнд технологийн байгууламжууд баригдах бол EPC-3 багц ажлын хүрээнд дулааны цахилгаан станц ашиглалтад орно. EPC-2 болон EPC-3 багц ажлын гэрээ 2022 онд байгуулагджээ. Тус үйлдвэрийн газрын тос дамжуулах хоолой барих ажлын ерөнхий гүйцэтгэгчээр шалгарсан БНХАУ-ын төрийн өмчит “Norinco International Cooperation”компани 2022 оны сүүлчээс ажлаа эхлүүлсэн байна.   

“Тус үйлдвэрт хил гаалийн нөхцөл байдлаас үүдэж бараа материалын хомсдол, НӨАТ-ын хөнгөлөлт, чөлөөлөлтөөс үүдсэн алдагдал, мөн ажиллах хүчний визийн асуудал зэрэг бэрхшээл гарсан. Монгол Улсын Ерөнхий сайд эдгээр асуудлыг богино хугацаанд шийдвэрлэж, бүтээн байгуулалтын ажлыг тасралтгүй үргэлжлүүлэх үүрэг өгсөн гэж ЗГХЭГ-ын дарга Д.Амарбаясгалан хэллээ.

Газрын тос боловсруулах үйлдвэр ашиглалтад орсноор Монгол Улс түлш, шатахууны импортын хамаарлаас гарна, нефть-химийн аж үйлдвэрийн шинэ салбар бий болно, гадаад худалдааны алдагдал буурах боломж бүрдэнэ. Стратегийн өндөр ач холбогдолтой уг төслийг амжилттай хэрэгжүүлэхийн төлөө Засгийн газар анхаарч ажиллаж байгаа гэдгийг ЗГХЭГ-ын дарга онцоллоо. 


 

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
mnbvcб (176.66.87.78)  2023 оны 06 сарын 16

Оросууд бариулахгүй гэж их юм хииж байгаа тэдний бууны нохой нар их хуцаж байгаа...

0  |  0
Дампуу болсон газар (64.119.30.83)  2023 оны 06 сарын 16

Шатахууны импортын хамаарлаас бүрэн гарч чадахгүй ш дээ. Д.Алтанцэцэгээ худлаа шааж, төр замгийн толгойг эргүүлэхээ болиочээ. Үйлдвэр баригдвал дотоодын хэрэгцээний 55%-ийг л хангана. Гэхдээ үйлдвэрийн худалдаалах үнэ импортын үнээс бага болохгүй., өртөг нь өндөр гараад байгаа. Анх бензинийг 1000 төгрөг болгоно гэж шааснаа ичээч, Алтанцэцэгээ. Тамсагийн газрын тосны олборлолт жил бүр буурч байгаагаас гадна үйлдвэрийн түүхий эдийг 100% хангаж чадахгүй. Үйлдвэрийг зогсоохгүйн тулд түүхий эдийн дутуугийн зөрүүг заавал ОХУ-аас авна. Энэ талаар олон дахин зөвлөсөн мэргэжлийн хүний үгийг тоодоггүй

0  |  0
Коффи Аннан (103.57.93.188)  2023 оны 06 сарын 16

Юу ч битгий хий. Хугацаа дуусгаад далд ор

0  |  0
х (122.201.23.219)  2023 оны 06 сарын 16

Хошиг шог

0  |  0
Top