34 байршилд 3х3 сагсан бөмбөгийн талбай байгуулжээ

З.Тэмлүүн | Zindaa.mn
2023 оны 08 сарын 01

Нийслэлийн Засаг даргын захирамжаар энэ онд нийслэлийн төвийн зургаан дүүргийн 34 байршилд 3х3 сагсан бөмбөгийн стандартын шаардлага хангасан талбай шинээр байгууллаа.

Тодруулбал, Сонгинохайрхан дүүрэгт 13, Чингэлтэй дүүрэгт найм, Хан-Уул дүүрэгт дөрөв, Сүхбаатар, Баянгол, Баянзүрх дүүрэгт тус тус гурван талбай байгуулаад буй. Эдгээрээс найман байршлын талбайг ашиглалтад оруулж, үлдсэн 26-г нь Улсын комисст хүлээлгэн өгөөд байгаа юм.

Энэ ондоо багтаан нийслэл, дүүргийн төсөв, төр, хувийн хэвшлийн хамтын ажиллагааны хүрээнд нийслэлийн есөн дүүргийн 40 байршилд 3х3 сагсан бөмбөгийн талбайг байгуулахаар төлөвлөсөн. Төслийн ерөнхий гүйцэтгэгчээр Хот тохижилтын газар ОНӨААТҮГ, туслан гүйцэтгэгчээр “Дабль Хас” ХХК, “Си Эй Ди” ХХК хамтран ажиллаж байна.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин (202.126.90.88)  2023 оны 08 сарын 01

Хариуцсан хүн энэ тэр байхгүй бол хэцүү дээ, даан ялангуяа гэр хороололд, нэг нь самбарыг нь туугаад хашаандаа аваачаад тавьчихана, хашааг нь буулгаж аваад явчихна, хэцүү дээ

0  |  0
Top