И Сын Ги, И Да Ин нар анхны хүүхдээ өлгийдөн авна

Өмнөд Солонгосын JTBC-ийн мэдээлснээр жүжигчин И Сын Ги болон түүний эхнэр И Да Ин нар удахгүй анхны хүүхдээ өлгийдөн авна гэжээ. 

И Да Иний агентлаг энэхүү мэдээллийг баталсан бөгөөд жүжигчин бүсгүй одоогоор MBC телевизийн бүтээл "My Dearest" олон ангит кинонд дүр бүтээж байгаа аж. Энэхүү киноны зураг авалт дуусах болоогүй ч И Да Иний хэсэг дуусах шатандаа явж байгаа тухай мөн мэдээлсэн байна. 

И Сын Ги болон И Да Ин нар өнгөрсөн оны дөрөвдүгээр сард хуримаа хийсэн. Олны эсэргүүцэл дунд болж өнгөрсөн энэхүү хуримаас хойш И Сын Гигийн нэр хүнд унаж, хүнд байдалд орсон. Харин хүүхэдтэй болж буй энэхүү мэдээлэл цацагдсаны дараа хосуудад аз жаргал хүссэн ерөөлийн үгс тасралгүй хөвөрч эхэлжээ. 

Жүжигчин И Да Ины төрөх нарийн хугацаа тодорхойгүй байгаа ч 2024 онд амаржина хэмээн харьяа агентлагаас мэдээлжээ.