Сүүний казейн уураг нь халдварын эсрэг биет үүсгэдэг

Хүн амын эрүүл хооллолтын зөвлөмжөөс

Сүү, цагаан идээ нь монгол хүний уламжлалт идээ ундаа бөгөөд бие махбодод чухал шаардлагатай уураг, тос, эрдэс, аминдэм, бичил бодисыг зохистой харьцаагаар агуулдаг, хялбар боловсорч, шингэдэг үнэт хүнс юм.

Сүүний казейн уураг нь бүх чухал аминхүчлүүдийг агуулдаг бөгөөд сүүний нийт уургийн 82 хувийг эзэлдэг. Энэхүү уураг нь биеийн эд эсийг бүрдүүлэх болон нөхөн төлжихөд шаардлагатай бөгөөд халдварын эсрэг чухал үүрэг бүхий эсрэг биетүүдийг үүсгэдэг.

Тараг, айраг зэрэг исгэлэн сүүн бүтээгдэхүүн нь ялзруулагч нянгийн үйл ажиллагааг саатуулах үйлчилгээтэй ба гэдэсний ашигтай нянгийн үйл ажиллагааг дэмжсэнээр дархлаа сайжруулдаг.
 

Эх сурвалж: Нийгмийн эрүүл мэндийн үндэсний төв