Илүү эсхүл дутуу тэмдэглэвэл таны санал хүчингүй болно

Монгол Улсын Их Хурлын 2024 оны ээлжит сонгуулийн сонгогчийн санал авах үйл ажиллагаа өнөөдөр (2024.06.28) 07:00 цагт эхэллээ. Санал авах ажиллагаа 22.00 цаг хүртэл үргэлжилнэ.

Сонгогч Та санал өгөх байрныхаа хаяг, байршлыг https://m-election.mn/main/cG9zdDo2NTAx холбоосоор харна уу.

Түүнчлэн https://election.burtgel.gov.mn/ цахим холбоосоор иргэний бүртгэлийн дугаараа оруулж оруулж харах, эсвэл 1800-2800 сонгогчдын лавлах (Энгийн утасны тарифаар)-аас мэдээлэл авах боломжтой.

Санал авах байранд сонгогч танд хоёр хэсэгтэй саналын хуудас өгнө.

Нам, эвслийн нэртэй саналын хуудаст та зөвхөн 1 нам, эвслийн өмнө зууван дугуйг дүүргэн будаж саналаа тэмдэглэнэ. Харин нэр дэвшигчийн нэртэй саналын хуудас та мандатын тоотой тэнцүү нэр дэвшигчийн өмнөх зууван дугуйг дүүргэн будаж, саналаа тэмдэглэнэ. Илүү эсхүл дутуу тэмдэглэвэл таны санал хүчингүй болно.

Саналын нууцлалаа хадгалахын тулд та хавтас ашиглаарай.