ПАРИС-2024 | Л.Сосорбарам эхний ялалтаа авлаа

Гэрэл зургийг Ч.ГАНБАТ (МССХ)

“Парис-2024” олимпын наадмын жүдо бөхийн тэмцээний эмэгтэйчүүдийн 52 кг-д Залуучуудын дэлхийн аварга, залуучуудын олимпын наадмын мөнгөн медальт, ОУХМ Л.Сосорбарам өрсөлдөж байна. 

Манай тамирчин эхний барилдаанд Испани улсын бөх Ариана Торо Солертой барилдаж, даралтаар цэвэр ялснаар шилдэг 16-д шалгарлаа. 
 

Манай бөх шилдэг 16-гийн барилдаанд Унгар улсын тамирчин Река Пүпптай өрсөлдөнө. 

Река Пүпп. 1996 онд төрсөн,  хоёр дахь удаа олимпын наадамд зодоглож буй нь энэ. 

“Токио-2020” зуны ХХХII Олимпын наадамд -52 кг-ын жинд амжилттай барилдаж, тавдугаар байрт орсон туршлагатай. Жүдо бөхийн ЕАШТ-ий 2 удаагийн хүрэл медальт (2021, 2024 он), мөн 3 удаа “Их Дуулга” тэмцээнд түрүүлж байсан шилдэг тамирчин.