ОЛИМП-2024 I Б.Отгонболд 7:1 харьцаагаар ялагдал хүлээлээ

Гэрэл зургийг Ч.ГАНБАТ (МССХ)

"Парис 2024” зуны XXXIII олимпын наадмын байт харвааны эрэгтэйчүүдийн ганцаарчилсан төрөлд Азийн наадмын аварга, "Алдар" спорт хорооны тамирчин, ОУХМ Б.Отгонболд Мексикийн тамирчин Матиас Грандетай өрсөлдөж, 7:1 харьцаатайгаар ялагдал хүлээн, тэмцээнээ өндөрлүүллээ.

Б.Отгонболд долдугаар сарын 26-нд Монголын баг тамирчдын салхийг хагалан, ганцаарчилсан төрлийн чансаа тогтоох харваа хийж, 72 сумаар 720 онохоос 643 онож, 64 тамирчнаас 54-т эрэмбэлэгдэн, олимпыг эхлүүлсэн юм. 
 

Б.Отгонболд 27 настай. “Токио-2020" олимпын наадамд оролцож байсан түүний хувьд хоёр дахь олимпын наадамдаа өрсөлдлөө. Өмнө нь манай тамирчин Токиогийн олимпын наадмын чансаа тогтоох харваанд 646 оноогоор 54-д жагсаж, үндсэн харваанд Хятадын тамирчинтай халз харван, ялагдал хүлээж байсан юм.