ПАРАЛИМП I Дэлхийн 5 удаагийн аварга Г.Болор-Эрдэнэ тулалдана

“Парис-2024” зуны 17-р паралимпын наадам үргэлжилж байна. Тус наадамд манай улсаас зургаан спортын төрөлд 12 тамирчин оролцож байна.

Өнөөдөр Монголын тамирчдаас таэквондогийн эрэгтэйчүүдийн 63 кг-ын жинд Гавьяат тамирчин Г.Болор-Эрдэнэ өрсөлдөнө.

Г.Болор-Эрдэнэ нь пара таэквондогийн Дэлхийн 5, Ази тивийн 5 удаагийн аварга бөгөөд өнгөрсөн онд болсон "Ханжоу 2022" Азийн зуны спортын пара наадам түрүүлж, Азийн пара наадмаас алтан медаль хүртсэн анхны монгол таэквондоч болсон билээ. 

"Парис-2024" паралимпын наадамд таван тивийн 168 орны 4400 гаруй тамирчин спортын 22 төрөлд 549 багц медалийн төлөө өрсөлдөж байна.