Сэтгүүлч Д.Батжаргал, гэрэл зурагчин Ж.Адилбиш нар ПАРАЛИМПЫН НААДМЫГ сурвалжилж байна
“Парис-2024” паралимпын наадмыг Монголын спортын сэтгүүлчдийн холбооны Ерөнхий нарийн бичгийн дарга, МҮОНТВ-ийн Спорт сувгийн редактор, спортын сэтгүүлч Д.Батжаргал, Монголын Спортын сэтгүүлчдийн холбооны гишүүн, Спортын гэрэл зурагчин Ж.Адилбиш нар сурвалжилж байна.
Сэтгүүлч Д.Батжаргалын хувьд өмнө нь паралимпын наадам болон Азийн пара наадмуудыг сурвалжилсан туршлагатай бол гэрэл зурагчин Ж.Адилбишийн хувьд анх удаа паралимпын наадамд гэрэл зурагчнаар ажиллаж байна.
Энэ нь мөн Монголын гэрэл зурагчид паралимпын наадмыг албан ёсны онцгой эрхтэйгээр сурвалжилж байгаа анхны тохиолдол юм.
Спортын гэрэл зурагчин Ж.Адилбиш нь нэрт гэрэл зурагчин Ц.Батзориг агсны нэрэмжит уралдааны “Шилдэг гэрэл зурагчин” шагналыг хүртэж байсан бөгөөд Жюү жицүгийн ДАШТ, Зүүн Азийн залуучуудын наадам, U22 насны чөлөөт бөхийн Ази тивийн аварга шалгаруулах тэмцээн, Хоккейн ДАШТ-ий урьдчилсан тоглолт зэрэг Олон улс, тив, дэлхийн 30 гаруй, дотоодын 40 гаруй тэмцээн сурвалжилж, спортын гэрэл зурагчнаар ажилласан туршлагатай, шилдэг гэрэл зурагчдын нэг юм.
Түүнийг "АПУ" , "Ард" санхүүгийн нэгдэл, "Арвайн үндэс", "Улаанбаатар гурил" компаниуд дэмжин, паралимпын наадам сурвалжлах санхүү, зардлыг гарган, гэрэл зургаар дамжуулан пара спортын хөгжлийг түгээж, олон нийтэд хүргэхэд туслалцаа үзүүлжээ.
Холбоотой мэдээ
Сэтгэгдэл ( 2 )
Гэрэл зураг дарж сурвалжлага хийх гэж байгаа бол зургийн маш сайн мэрэгжлийн аппарат, маш сайн явуулын магнитофон байх ёстой. Энэ 2 хүнд энгэрийн зүүлтнээс өөр юм алга.
UURSDIIGUU BISH ....TENDEES AVSAN ZURAG BVAL SONINSHDEE...TUUNEES BISH HOER HACHIN YMIIG YUND N HARUULDAGIIN....ICHIHED YADGIIN GAVYA BAIGUULCHIHSAN AYTAI...