Бруно Тони: Циркийн тоглолтоо та бүхэнд толилуулах гэж байгаадаа баяртай байна

Хүүхэд багачуудын хүсэн хүлээдэг гайхамшигт BRAVO CIRCUS тав дахь удаагаа Монгол Улсад тоглогдох гэж байна. Үүнтэй холбогдуулан тус тоглолтыг зохион байгуулагчид хэвлэлийн бага хурал хийлээ. 

Хэвлэлийн хурлын үеэр Италийн алдарт TONY CIRCUS-ийг үүсгэн байгуулагч Бруно Тони: Циркийнхээ тоглолтыг та бүхэндээ толилуулах гэж байгаадаа баяртай байна. Эдгээр барнуудыг яг л өөрийн хүүхэд шигээ хайрлан, угжиж өсгөсөн.

Алс холын Итали Улсаас Монголыг зорьж ирнэ гэдэг бидний хувьд маш том сорилт байлаа. Монголын өргөн уудам газар, нутагт мал сүрэг нь бэлчиж байгааг харах маш сонирхолтой байлаа. Манай тоглолтыг шимтэн үзэж байгаа хүн бүхэнд маш их баярлалаа гэв. 

Энэ удаагийн тоглолтод дэлхийн циркийн олимп болох Monte Carlo-гоос алт, мөнгөн цом хүртэж байсан, Европын алдарт амьтан сургагч Бруно Тонигийн нэн ховордсон цагаан, ягаан, шар хүчирхэг 11 бар үзүүлбэр үзүүлэх ба Африк, Италийн циркчид урилгаар оролцох аж. 

Мөн манай улсын циркчид шилдэг үзүүлбэрүүдээ үзүүлэх бөгөөд тоглолт энэ сарын 27-ний өдрөөс эхлэн ирэх 10 дугаар сарын 6-ний өдөр хүртэл Монгол бөхийн өргөөнд тоглогдоно. 

Тасалбарыг: Ticket.mn-ээр дамжуулан худалдан авах боломжтой.