Зул сарын үзвэр “NUTCRACKER” буюу “Цөмөгч цэрэг ба хулганы хаан”

“NUTCRACKER” буюу “Цөмөгч цэрэг ба хулганы хаан” сонгодог хөгжмийн үлгэр медиа арт төрлийн үзвэр болон тавигдах гэж байна.

Дэлхийн шилдэг хөгжмийн зохиолч П.И.Чайковскийн “Цөмөгч цэрэг ба хулганы хаан” сонгодог хөгжмийн үлгэрээс сэдэвлэсэн тайз, дэлгэц хосолсон орчин үеийн технологийн шийдэл бүхий медиа арт төрлийн үзвэрийг энэ оны 12-р сарын 25-ны өдөр буюу зул сарын баярын өдрийг тохиолдуулан Улсын Драмын Эрдмийн театрын тайзнаа тавих гэж байна. Тус үзвэрийг зохион байгуулж буй Улаанбаатар оркестр нь “Цөмөгч цэрэг ба хулганы хаан” сонгодог хөгжмийн үлгэр дээр суурилан дүрүүдийг шинэчлэн бүтээж 40 гаруй хөдөлгөөнт зургуудыг нэг бүрчлэн дижиталаар зуруулсан бөгөөд медиа урлаг болон тайзны урлагийг хослуулсан шинэлэг хэв маягийн уран бүтээлийг үзэгч олонд хүргэхээр зорьжээ.

Тус үзвэрт хүрэлцэн ирсэн зочид медиа арт үлгэрийг дэлгэцнээс үзэнгээ, тайзан дээрх бодит өгүүлэгчийн уран хүүрнэлийг сонгодог хөгжмийн аялгуутай цуг сонсон хүүхэд насныхаа дурсамжаар аялах боломжтой гэдгээрээ онцлогтой.

Медиа арт үзвэр нь насны ангиллын хувьд 5-аас дээш насны хэн бүхэнд зориулагдсан бөгөөд насанд хүрэгчид ч ирж үзэх боломжтойгоос гадна Улсын Драмын Эрдмийн Театрт 12-р сарын 25-ны өдөр 16:00 болон 19:00 цагаас ганцхан өдөр тоглогдоно. 

“Цөмөгч цэрэг ба хулганы хаан” медиа арт тайз, дэлгэцийг хослуулсан сонгодог хөгжмийн үлгэрийн үзвэрээр та бүхэнтэй уулзах тус зохиолын дүрүүдээ уран бүтээлчид өөрсдийн төсөөллийн дагуу шинээр зурж бүтээжээ. 

Дүрүүдийг амилуулсан Ерөнхий зураач Б.Номин

Тасалбарыг portal.mn сайтаас буюу https://www.portal.mn/events/6750110ab5fb9842d63fefa6

Мөн shoppy.mn сайтаас буюу https://shoppy.mn/products/nutcracker-241225... холбоосоор орж худалдан авах боломжтой.

Дэлгэрэнгүй мэдээлэл: 97002707