ОНЦЛОХ ҮЗВЭР I Зураач Б.Номингийн бүтээсэн “NUTCRACKER” - Монгол хүүхдүүддээ зориулав

“NUTCRACKER” буюу “Цөмөгч цэрэг ба хулганы хаан” сонгодог хөгжмийн үлгэр медиа арт төрлийн үзвэр болон тавигдах гэж байна.

Дэлхийн шилдэг хөгжмийн зохиолч П.И.Чайковскийн “Цөмөгч цэрэг ба хулганы хаан” сонгодог хөгжмийн үлгэрээс сэдэвлэсэн тайз, дэлгэц хосолсон орчин үеийн технологийн шийдэл бүхий медиа арт төрлийн үзвэрийг арванхоёрдугаар сарын 25-нд буюу Зул сарын баярын өдрийг тохиолдуулан Улсын Драмын эрдмийн театрын тайзнаа тавих гэж байна. Тус үзвэрийг зохион байгуулж буй Улаанбаатар оркестр нь “Цөмөгч цэрэг ба хулганы хаан” сонгодог хөгжмийн үлгэр дээр суурилан дүрүүдийг шинэчлэн бүтээж, 40 гаруй хөдөлгөөнт зургуудыг нэг бүрчлэн дижиталаар зурсан бөгөөд медиа урлаг болон тайзны урлагийг хослуулсан шинэлэг хэв маягийн уран бүтээлийг үзэгчдэд хүргэхийг зорьжээ.

“Цөмөгч цэрэг ба хулганы хаан” медиа арт тайз, дэлгэцийг хослуулсан сонгодог хөгжмийн үлгэрийн үзвэрээр үзэгч хүүхдүүдтэй уулзах тус зохиолын дүрүүдийг уран бүтээлчид өөрсдийн төсөөллийн дагуу шинээр зурж бүтээснийг та бүхэн харж байна. 

Монголд анх удаа толилуулж буй хамгийн шинэлэг, орчин үеийн, хүүхэд багачуудын хүсэл, сонирхолд гайхалтай нийцэх энэхүү үзвэрт хүрэлцэн ирсэн зочид медиа арт үлгэрийг дэлгэцнээс үзэнгээ тайзан дээрх бодит өгүүлэгчийн уран хүүрнэлийг сонгодог хөгжмийн аялгуутай хослуулан сонсож, хүүхэд насны шинэ жилийн дахин давтагдашгүй дурсамж бүтээн, "Цөмөгч цэрэг"-тэй хамт гайхалтай аялалд гарах боломжтой. 

Медиа арт үзвэр нь насны ангиллын хувьд 5-аас дээш насны хэн бүхэнд зориулагдсан бөгөөд насанд хүрэгчид ч үзэх боломжтой.

Тоглолт Улсын драмын эрдмийн театрт зөвхөн арванхоёрдугаар сарын 25-ны өдөр 16:00 болон 19:00 цагаас ганцхан өдөр товлогдсон тул тасалбараа эртхэн захиалаарай. 

Дүрүүдийг амилуулсан Ерөнхий зураач Б.Номин

***
 

“NUTCRACKER” БУЮУ “ЦӨМӨГЧ ЦЭРЭГ БА ХУЛГАНЫ ХААН”
СОНГОДОГ ХӨГЖМИЙН ҮЛГЭРИЙН ҮЗВЭРИЙН ТУХАЙ ТАЙЛБАРЛАХ НЬ

Тасалбарыг portal.mn сайтаас буюу https://www.portal.mn/events/6750110ab5fb9842d63fefa6
 

Мөн shoppy.mn сайтаас буюу https://shoppy.mn/products/nutcracker-241225 холбоосоор орж, худалдан авах боломжтой.

ДЭЛГЭРЭНГҮЙ МЭДЭЭЛЭЛ: 97002707