Үндэсний Паралимпын хорооны ШИЛДГҮҮД тодорлоо

Үндэсний Паралимпын хорооны оны шилдгийн шилдгүүдийг тодруулах ёслол боллоо. Паралимпын наадамд амжилттай оролцож, түүхэн амжилт үзүүлсэн тус холбооны шилдгүүдийг танилцуулъя. 
 

1. ШИЛДЭГ ДЭМЖИГЧ БАЙГУУЛЛАГА -  "НЭТ КАПИТАЛ"САНХҮҮГИЙН ГРУПП

“Парис-2024” Паралимпын зуны  наадмын эрх авсан 12 тамирчинд санхүүгийн болон бэлтгэлийн хувцас ивээн тэтгэсэн.  

2. ШИЛДЭГ ИВЭЭН ТЭТГЭГЧ БАЙГУУЛЛАГА - “УЛААНБААТАР  БАРИЛГА ҮЙЛДВЭРИЙН КОМБИНАТ-2 ХК”

Паралимпын хөдөлгөөнийг түгээн дэлгэрүүлэхэд МҮПХ-ны үйл ажиллагааг 2009 оноос ивээн тэтгэж байгаа.

3. “ШИЛДЭГ СУРТАЛЧЛАГЧ” НОМИНАЦИ - ЦЕНТРАЛ ТВ

Парис-2024 паралимпын зуны наадмыг  шууд дамжуулан үзүүлж Монгол улсад Паралимпыг сурталчлахад онцгой үүрэг үзүүлсэн.

4. “ШИЛДЭГ ЗАЛУУ ТАМИРЧИН” НОМИНАЦИ - Д.Жигмэд, 18 настай

Пауэрлифтингийн “Pattaya-2024” Дэлхийн цомын тэмцээнд -54 кг Алтан медаль, Залуучуудын Ази тивийн  рекорд шинэчлэн тогтоосон.
 

5. “ШИЛДЭГ ДАСГАЛЖУУЛАГЧ” НОМИНАЦИ

Д.Батнасан (Гавьяат дасгалжуулагч, Таеквондо)
 

• "Парис-20243 Паралимпын наадмын 1 мөнгөн медаль хүртсэн.
• 2024 оны Дэлхийн чансаа тогтоох цуврал тэмцээний 2 мөнгөн медаль хүртсэн.
• 2024 оны Ази тивийн аварга шалгаруулах тэмцээний 2 алтан медаль хүртсэн.
• 2024 оны Европын аварга шалгаруулах тэмцээний 2 алтан медаль хүртсэн.

Д.Баттулга (Гавьяат дасгалжуулагч, Паэурлифтинг)
 

• Парис-2024 Паралимпын наадмын 1 мөнгөн медаль.
• “Pattaya-2024” Дэлхийн цомын тэмцээнд 2 алтан медаль, Залуучуудын Ази тивийн  рекорд шинэчлэн тогтоосон.
• “Tbilsi-2024 ” Дэлхийн цомын тэмцээнд  2 алтан медаль, Залуучуудын Ази тивийн  рекорд шинэчлэн тогтоосон.

Д.Махашири (Гавьяат дасгалжуулагч, Хөнгөн атлетик)
 

• Парис-2024 Паралимпын наадмын 1 мөнгөн медаль хүртсэн.

6. “ШИЛДЭГ ЭМЭГТЭЙ ТАМИРЧИН” - Д.Сэлэнгээ (ОУХМ)
 

• "Парис-2024" Паралимпын зуны наадмын Байт харвааны тэмцээний шагналт 4-р байр эзэлсэн.
• Дубайд болсон “Fazza-2024" Дэлхийн чансаа тогтоох тэмцээнээс алтан медаль хүртсэн.

7.  “ШИЛДЭГ ЭРЭГТЭЙ ТАМИРЧИН”

Э.Содномпилжээ (Хөдөлмөрийн баатар, Гавъяат тамирчин)
 

• Парис-2024 паралимпын наадмын  Пауэрлифтингийн -105 кг-д мөнгөн медальт хүртсэн.
• Дубай-2024 Дэлхийн цомын тэмцээний -105 кг-д мөнгөн медаль хүртсэн.
• Pattaya-2024 Дэлхийн цомын аварга шалгаруулах тэмцээний 105 кг-д мөнгөн медаль хүртсэн.

Г.Болор-Эрдэнэ  (Гавъяат тамирчин)
 

• “Парис-2024” Паралимпын зуны наадмын 63 кг-д алтан медаль хүртсэн.
• 2024 он Дэлхийн чансаа тогтоох цуврал тэмцээний  63 кг-д мөнгөн медаль хүртсэн.
• 2024 оны Ази тивийн аварга шалгаруулах тэмцээний 63 кг-д алтан медаль хүртсэн.
• 2024 оны Европын аварга шалгаруулах тэмцээний 63 кг-д алтан медаль хүртсэн.

Ц.Баттулга (Пара хөнгөн атлетик, Бөөрөнцөг шидэлт)
 

•  Гавьяат тамирчин. "Парис-2024" паралимпын наадмын Хөнгөн атлетикийн бөөрөнцөг шидэлтийн төрөлд мөнгөн медаль хүртсэн. 

8.  “ШИЛДЭГ ПАРА СПОРТЫН ХОЛБОО” НОМИНАЦИ - МОНГОЛЫН ПАРА ТАЕКВОНДОГИЙН ХОЛБОО
 

• 2024 оны Ази тивийн аварга шалгаруулах тэмцээн, Эрэгтэй баг 2-р байр байр
• 2024 оны Ази тивийн аварга шалгаруулах тэмцээн, Эмэгтэй баг 3-р байр
• Европын аврага шалгаруулах тэмцээн, Багаараа 3-р байр
• “Парис-2024” Паралимпын  наадмын Таеквондогийн төрөлд багаараа 4 дүгээр байр тус тус эзэлсэн. 

9.  “МҮПХ-НЫ ЕРӨНХИЙЛӨГЧИЙН НЭРЭМЖИТ ШАГНАЛ” НОМИНАЦИ - Д.БАТЖАРГАЛ
 

• МҮОРТВ  спортын сэтгүүлч Зуны паралимпын наадмын Лондон-2012,Рио-2016,Токио-2020, Парис-2024, Өвлийн Паралимпын наадмын Сочи-2014, Пёнчан-2018, Бээжин-2022, Паралимпын зуны Азийн наадмын Инчён-2014, Ханжоу-2022 оны паралимпын наадмуудад Монгол Улсын паралимпын багийн хэвлэлийн төлөөлөлөгчөөр амжилттай ажилласан.

10.  “ШИЛДГИЙН ШИЛДЭГ ДАСГАЛЖУУЛАГЧ” - НАРАНЧИМЭГИЙН ЭРДЭНЭБААТАР (Гавъяат дасгалжуулагч, Таеквондо)           
                 

• Парис-2024 Паралимпын наадмын алт, мөнгөн медаль
• 2024 он Дэлхийн чансаа тогтоох цуврал тэмцээнээс мөнгөн медаль
• 2024 оны Ази тивийн аварга шалгаруулах тэмцээнээс 2 алтан медаль
• 2024 оны Европын аварга шалгаруулах тэмцээнээс 2 алтан медаль

11.  “ШИЛДГИЙН ШИЛДЭГ ТАМИРЧИН” - УЛАМБАЯРЫН СҮРЭНЖАВ
 

• Монгол Улсын Хөдөлмөрийн баатар, Паралимпын наадмын Монгол Улсын  анхны эмэгтэй аварга
• “Парис-2024” Паралимпын зуны наадмын 52 кг-д алтан медаль
• 2024 он Дэлхийн чансаа тогтоох цуврал тэмцээнээс мөнгөн медаль
•  2024 оны Ази тивийн аварга шалгаруулах тэмцээний  52 кг-д алтан медаль
•  2024 оны Европын аварга шалгаруулах тэмцээний 52 кг-д алтан медаль
• “Гангвон-2024”  Дэлхийн цомын цуврал тэмцээний 52 кг-д мөнгөн медаль тус тус хүртсэн.