Найз бүсгүйнхээ амь насанд заналхийлсэн этгээдийг баривчилжээ

Өнөөдөр цахим орчинд цацагдсан найз залуудаа зодуулсан эмэгтэйн тухай мэдээллийн талаар цагдаагийн байгууллагаас албан ёсны мэдээлэл өглөө. 

Цагдаагийн байгууллагад 2024 оны аравдугаар сарын 28-ны өдөр "Манай дүүг найз залуу нь зодсон байна" гэх дуудлага мэдээллийг анх ирүүлжээ.
 

Дуудлага мэдээллийн дагуу нутаг дэвсгэр хариуцсан цагдаагийн байгууллагаас хойшлуулшгүй ажиллагааг явуулж, холбогдогч Ж гэгчийг Сүхбаатар дүүргийн нутаг дэвсгэрээс баривчлан, иргэн Э-гийн биед халдсан, амь насанд заналхийлсэн зэрэг үйлдлүүдэд нь Эрүүгийн хэрэг үүсгэж, иргэн Ж-д 2024 оны аравдугаар сарын 30-ны өдөр цагдан хорих, таслан сэргийлэх арга хэмжээ авсан байна.

Хэргийн мөрдөн шалгах ажиллагаа одоог хүртэл үргэлжилж байгаа ажээ.