Монголын снөүбоардын тамирчид Олон улсын тэмцээнээс анхны медалиа хүртлээ

БНХАУ-д снөүбоардын өсвөр үе, насанд хүрэгчдийн олон улсын тэмцээн болж байгаа бөгөөд Монголын тамирчид одоогийн байдлаар хоёр мөнгө, нэг хүрэл, про ангилалд нэг хүрэл медаль хүртээд байна.
 
Тэмцээний параллель слаломын ангилалд  33 тамирчин уралдахад хөвгүүдийн ангилалд М.Тэгшдүүрэн хүрэл, охидын ангилалд М.Есүй, Д.Ууганзаяа нар мөнгөн медаль хүртэв. Харин насанд хүрэгчдийн мэргэжлийн ангилалд Г.Зоригт хүрэл медаль хүртжээ.

Монголын снөүбордын баг тамирчид 2010 оноос тэмцээн, уралдаанд оролцож эхэлсэн ба энэ удаагийн амжилт Олон улс дахь Монголын тамирчдын анхны медаль болж байна.

Манай тамирчид өнөөдөр үргэлжлүүлэн жиант төрөлд өрсөлдөнө.