Эрхээ хасуулсан иргэд сургалтад сууж, шалгалт өгөх ШААРДЛАГАГҮЙ

Жолоодох эрхээ хасуулсан иргэд дахин сургалтад сууж, шалгалт өгөх шаардлагагүй болсон гэдгийг Тээврийн цагдаагийн албаны ЦЕГ-н Бүртгэл хяналтын төвөөс мэдээллээ.

Тодруулбал, Хууль зүй, дотоод хэргийн сайд О.Алтангэрэлийн тушаалаар Эрх сэргээх, дуусгавар болгох журмыг хүчингүй болгожээ. Улмаар уг шийдвэр өнгөрөгч хоёрдугаар сарын 10-ны өдрөөс хэрэгжиж эхэлсэн бөгөөд энэ хугацаанд 15 мянга гаруй иргэний жолоодох эрх сэргэжээ. Цаашдаа  жолооны эрх хасагдсан хугацаа дуусмагц тухайн жолоочийн эрх автоматаар сэргэх юм.