ФОТО | Монголын Эндуро спортын түүхэнд эмэгтэйчүүдийн оролцоо ӨСӨЖ БАЙНА

Амралтын өдөр “Монголын Эндуро мото спортын холбоо”-ны нээлтийн тэмцээн амжилттай болж өнгөрлөө.

Энэ үеэр тус холбооны Удирдах зөвлөлийн гишүүн Б.Буянжаргал “Монгол Улсад “Эндуро” мотоциклын төрлийг хөгжүүлэх зорилгоор “Монголын Эндуро мото спортын холбоо” 2025 онд байгуулагдсан. Манай холбоо 4-р сарийн 27-ны өдөр улсын нэгдүгээр гараагаа холбооны нээлтийн тэмцээн болгон амжилттай зохион байгууллаа.

Тухайн тэмцээний маань онцлог бол мотоциклчдынхоо эрх ашгийг хамгаалах юм. Тийм учраас холбооны нээлтийн тэмцээний үеэр тамирчдаа гэнэтийн ослын даатгалд хамруулах боломжит нөхцөлийг бүрдүүлсэн. Мөн мотоциклоо зээлээр авах боломжийг бүрдүүлсэн.

Хамгийн чухал нь энэ жилээс эхлээд манай мотоциклчид улсын чанартай тэмцээн, цуврал долоон гараанд оролцохоор бэлтгэж байгаа. Энэхүү цувралуудад амжилттай оролцсоноор манай тамирчид улсын цол зэрэг авах боломжтой болж байгаа юм.

Үүнээс гадна сүүлийн үед эмэгтэйчүүд маань кросс буюу Эндуро мотоциклын төрөлд хүч үзэж, улсын болон хувийн чанартай тэмцээнүүдэд оролцох болсоны хамгийн идэвхтэй нь "Power ladies мото" клубыг нэрлэж болохоор бөгөөд эмэгтэй тамирчид маань эрэгтэй тамирчидтай зэрэгцэн улсын цол зэрэг авах боломжийг бүрдүүлснээрээ онцлог” гэлээ.

ГЭРЭЛ ЗУРГИЙГ Д.БАТБИЛЭГ