ТАНИЛЦ | Төрийн эзэмшил 50 хүртэлх хувь байх боломжтой ОРДУУД

Үндэсний Баялгийн сангийн тухай хууль хэрэгжиж эхэлсэнтэй холбоотойгоор Монгол Улсын стратегийн ач холбогдол бүхий ашигт малтмалын ордуудын тодорхой  хувийг төр эзэмшилдээ авч, орлогыг “Баялгийн сан”-д  төвлөрүүлэх ажил эхлээд байна.

Ашигт малтмалын тухай хуулийн 5.4-т зааснаар "Улсын төсвийн хөрөнгөөр хайгуул хийж нөөцийг нь тогтоосон стратегийн ач холбогдол бүхий ашигт малтмалын орд, түүний үүсмэл ордыг хувийн өмчит хуулийн этгээдтэй хамтран ашигласан тохиолдолд тухайн хуулийн этгээдийн хувьцааны 50 хүртэлх хувийг төр үнэ төлбөргүйгээр эзэмших бөгөөд төрөөс оруулсан хөрөнгө оруулалтын хэмжээг харгалзан төрийн эзэмшлийн хувь хэмжээг тогтоож болно. Төрийн эзэмшлийн хувь, хэмжээг стратегийн ач холбогдол бүхий ашигт малтмалын ордын ашигт малтмалын нөөц ашигласны төлбөрөөр орлуулж болно" гэж заасны дагуу төрийн эзэмшлийн хувь хэмжээг тогтооно.

Тэгвэл 50 хувийг төрд авах боломжтой буюу улсын төсвийн хөрөнгөөр хайгуул хийсэн ордуудыг танилцуулж байна.

Эдгээр ордууд нь нөөцийн хэмжээ, ашигт малтмалын төрөл, байршил, ашиглалтын байдал зэргээр ялгаатай бөгөөд зарим нь одоогоор ашиглагдаж байгаа бол зарим нь ашиглалтад ороогүй байна.

Улсын төсвөөр хайгуул хийсэн стратегийн ордууд:

1. Эрдэнэт – Орхон аймаг /Зэс, молибден/
2. Оюу толгой – Өмнөговь аймаг /Зэс, алт/
3. Цагаан суварга – Дорноговь аймаг /Зэс, молибден/
4. Тавантолгой – Өмнөговь аймаг /Чулуун нүүрс/
5. Багануур – Улаанбаатар хот /Хүрэн нүүрс/
6. Шивээ-Овоо – Говьсүмбэр аймаг /Хүрэн нүүрс/
7. Нарийн сухайт – Өмнөговь аймаг /Чулуун нүүрс/
8. Бороогийн алтны орд – Сэлэнгэ аймаг /Алт/
9. Асгат – Баян-Өлгий аймаг /Мөнгө, холимог металь/
10. Төмөртэйн төмрийн хүдрийн орд – Сэлэнгэ аймаг /Төмрийн хүдэр/
11. Төмөртийн овоо – Сүхбаатар аймаг /Цайр/
12. Бүрэнхаан – Дорнод аймаг /Фосфорит/
13. Мардай – Дорнод аймаг /Уран/
14. Гурванбулаг – Дорнод аймаг /Уран/
15. Дорнодын ураны орд – Дорнод аймаг /Уран/

Дээр дурдсан ордууд нь улсын төсвөөр хайгуул хийж, нөөцийг тогтоосон бөгөөд зарим нь одоогоор ашиглагдаж байгаа бол зарим нь ашиглалтад ороогүй байна.

Мөн зарим ордуудын тусгай зөвшөөрөл хувийн хэвшлийн мэдэлд шилжсэн бөгөөд дараагийн удаад дээрх орд эзэмшигчдийн мэдээллийг дэлгэрүүлэн хүргэж, хэлэлцээ ямар түвшинд явж байгааг танилцуулна.